Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

"Qaçqınkom" qazanxanaların işləməmə səbəbini açıqlayıb

© Sputnik / Murad OrujovQadın istilik sisteminin yanında, arxiv şəkli
Qadın istilik sisteminin yanında, arxiv şəkli - Sputnik Azərbaycan, 1920, 25.11.2021
Xəbərlərə abunə olun
Məcburi köçkünlərin mənzil-məişət şəraitinin yaxşılaşdırılması ilə bağlı istifadəyə verilmiş bir neçə qəsəbədə müvəqqəti məskunlaşmış köçkünlər qazanxananın fəaliyyət göstərmədiyi ilə bağlı şikayət edib.
BAKI, 25 noyabr — Sputnik. Qaçqınların və Məcburi Köçkünlərin İşləri Üzrə Dövlət Komitəsi bəzi qəsəbələrdə qazanxanaların işləməməsinin səbəbini açıqlayıb.
Sputnik Azərbaycan xəbər verir ki, Dövlət Komitəsindən Report-a verilən məlumata görə, məcburi köçkünlərin mənzil-məişət şəraitinin yaxşılaşdırılması ilə bağlı istifadəyə verilmiş bir neçə qəsəbədə müvəqqəti məskunlaşmış köçkünlər qazanxananın fəaliyyət göstərmədiyi ilə bağlı şikayət ediblər.
"Azərbaycan Prezidentinin 23 yanvar 2017-ci il 1206 nömrəli "Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında" Fərmanına əsasən, məcburi köçkünlər və onlara bərabər tutulan şəxslər üçün yemək xərci müavinəti, habelə kommunal və digər xidmətlər üzrə dövlət büdcəsindən ödənişlər əvəzinə 60 manat məbləğində vahid aylıq müavinət müəyyən edilmişdir. Bu məbləğ təbii qaz, elektrik enerjisi, istilik, su və məişət tullantıları ilə bağlı xərclərin məcburi köçkünlər tərəfindən ödənilməsi üçün nəzərdə tutulub. Qazanxanaların fəaliyyətində yaranmış fasilələr və gecikmələr məcburi köçkünlərin isti su və istilik təchizatına görə ödənişləri vaxtında ödəməməsi ilə bağlıdır.
Hazırda bir neçə qəsəbədə istilik və isti su ilə təmin edən qazanxanalarda qış mövsümü ilə əlaqədar olaraq son tamamlama işləri aparılır və qarşıdakı günlərdə işə salınması gözlənilir", - Dövlət Komitəsindən qeyd olunub.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала