https://sputnik.az/20211123/milli-meclis-sedrinin-rusiyaya-sefer-proqrami-aciqlanib-436575749.html

Milli Məclis sədrinin Rusiyaya səfər proqramı açıqlanıb

Milli Məclis sədrinin Rusiyaya səfər proqramı açıqlanıb

Sputnik Azərbaycan

Spikerin başçılıq etdiyi parlament nümayəndə heyətinin Sankt-Peterburqa səfəri noyabrın 26-da başa çatacaq. 23.11.2021, Sputnik Azərbaycan

2021-11-23T10:36+0400

2021-11-23T10:36+0400

2021-11-23T10:36+0400

azərbaycan xəbərləri

rusiya

sankt-peterburq

milli məclis

sahibə qafarova

https://cdnn1.img.sputnik.az/img/07e5/0a/14/434394884_0:160:3072:1888_1920x0_80_0_0_69c4a25e682a99e3583319fb11f421be.jpg

BAKI, 23 noyabr — Sputnik. Milli Məclisin sədri Sahibə Qafarovanın başçılığı ilə parlament nümayəndə heyəti MDB PA-nın Şura və 53-cü plenar iclaslarında iştirak etmək üçün noyabrın 24-də Rusiya Federasiyasının Sankt-Peterburq şəhərinə səfər edəcək.Bu barədə Sputnik Azərbaycan-a Milli Məclisin Mətbuat və ictimaiyyətlə əlaqələr şöbəsindən məlumat verilib. Nümayəndə heyətinin tərkibinə deputatlardan Nizami Səfərov, Anatoliy Rafailov, Rüfət Quliyev, Anar Məmmədov, Rasim Musabəyov, Tamam Cəfərova, Milli Məclis Aparatının rəhbəri Səfa Mirzəyev və digər rəsmi şəxslər daxildirlər.Milli Məclisin sədri təşkilatın Şura və plenar iclaslarında gündəlikdəki məsələlərin müzakirəsində iştirak edəcək, Azərbaycan tərəfinin mövqeyini bildirəcək. Səfər çərçivəsində nümayəndə heyətimiz səhiyyə xidmətlərinin hamını əhatə etməsi və dayanıqlı inkişaf məsələlərinə həsr olunmuş beynəlxalq konfransda iştirak edəcək.Burada parlament sədrinin tədbirdə iştirak edəcək nümayəndə heyətlərinin rəhbərləri ilə bir sıra görüşləri nəzərdə tutulub. Bu görüşlərdə təşkilatın gələcək fəaliyyəti, parlamentlərarası əlaqələrin inkişaf perspektivləri və tərəfləri maraqlandıran digər məsələlər müzakirə olunacaq.Parlament nümayəndə heyətinin Sankt-Peterburqa səfəri noyabrın 26-da başa çatacaq.

2021

xəbərlər

ru_AZ

rusiya, sankt-peterburq, milli məclis, sahibə qafarova