https://sputnik.az/20211122/xalq-artisti-yasar-nurinin-vefatindan-doqquz-il-otur-436550707.html

Xalq artisti Yaşar Nurinin vəfatından doqquz il ötür

Xalq artisti Yaşar Nurinin vəfatından doqquz il ötür

Sputnik Azərbaycan

Kino sahəsində də bir-birindən parlaq obrazlar yaradan sevimli sənətkarımız "Dörd bazar günü", "Bəyin oğurlanması", "Ad günü", "Yol əhvalatı", "Yaramaz"... 22.11.2021, Sputnik Azərbaycan

2021-11-22T16:14+0400

2021-11-22T16:14+0400

2021-11-22T16:14+0400

xalq artisti

cəmiyyət

vəfat

yaşar nuri

ildönümü

il

doqquz

https://cdnn1.img.sputnik.az/img/07e5/03/12/426501248_0:0:1025:577_1920x0_80_0_0_cedce933ba3b7c80bcf87acdee1ce143.jpg

BAKI, 22 noyabr — Sputnik. Bu gün Xalq artisti Yaşar Nurinin vəfatından 9 il ötür. Sputnik Azərbaycan xəbər verir ki, Yaşar Nuri aktyor ailəsində dünyaya göz açıb. Aktyorun atası Məmmədsadıq Nuriyev Azərbaycan kino və teatr tarixində çoxsaylı rolların mahir ifaçısı olub. Hər birimizin sevə-sevə izlədiyi "Yeddi oğul istərəm", "Ulduz", "Uşaqlığın son gecəsi", "Sehirli xalat" və s. filmlərdə rol alan Məmmədsadıq Nuriyevin aktyorluq istedadı, sözsüz ki, övladı Yaşar Nuriyə sirayət edib və hər iki sənətkar kino və teatr tarixində unudulmaz rolların mahir ifaçısına çevrilib.Yaşar Nuri hələ kiçik yaşlarında ikən səhnədə rol alıb. İlk dəfə on bir yaşı olarkən "Toy kimindir?" tamaşasında Tapdıq rolu ilə səhnədə rol alan unudulmaz aktyorumuz Yaşar Nuri televiziyada "Yelkən" verilişinin aparıcısı olub, "Buratino", "Qaranquş", "Pioner" uşaq verilişlərində iştirak edib. Onun yaradıcılıq arealı bununla məhdudlaşmır. Dəyərli sənətkarımız müxtəlif dram dərnəklərində iştirak edib, görkəmli kino və teatr xadimlərimizdən dərs alıb.Aktyor teatr səhnəsində çoxsaylı obrazların mahir ifaçısı olub. Sevilən sənətkarımızın Azərbaycan teatr səhnəsində "Övlad" komediyasında Silva, "Bağlardan gələn səs" dramında Pərviz, "Ölülər" əsərində Məşədi Oruc, "Od gəlini" dramında Altunbay, "Büllur sarayda" pyesində Bayandur, "Bizim qəribə taleyimiz" pyesində Davud, "Bəşərin komediyası və yaxud Don Juan" əsərində Sqanarel, "Dəli yığıncağı" faciəsində Sərsəm Salman, "Fəryad" əsərində Rəhman, "Mesenat" əsərində Ağamusa Nağıyev, "Sevil" əsərində Əbdüləli bəy, "Qanlı Nigar" pyesində Abdi, "Gülüstanda qətl" pyesində Şahməmməd İsmiyeviç, "Afət" əsərində Xandəmir və s. rolları ona geniş tamaşaçı rəğbəti qazandırıb.Yaşar Nuri, eyni zamanda, hamı tərəfindən sevilərək izlənilən televiziya tamaşalarında da yadda qalan obrazların görkəmli ifaçısıdır. Çoxlarımız Yaşar Nurinin baş rol ifaçısı olduğu tamaşaları sevə-sevə izləyirik. Yaşar Nuri Azərbaycan Dövlət Televiziyasının hazırladığı "Yollar görüşəndə", "Ömrün yolları", "Qatarda", "Evləri köndələn yar", "Qonşu qonşu olsa", "Kökdən düşmüş piano", "Topal Teymur", "Yarımştat", "Ac həriflər", "Göz həkimi", "Yaşıl eynəkli adam", "Səni axtarıram" trilogiyasında və bir çox teletamaşalarda bənzərsiz rolların mahir ifaçısına çevrilib. Bir çoxunun yaddaşında Yaşar Nuri "tamada Surxayzadə", "Gülərin Həsənağası", "Gülnarın Elçini", "çəkməçi Dadaşov", "ac həriflərin Həsən dayısı", "fotoqraf Əli bəy" və digər obrazlarda qalıb. Bu da aktyorun istənilən obrazı yaddaqalan və unudulmaz canlandırmasından irəli gəlir.Böyük sənətkarın aktyorluq fəaliyyəti bununla məhdudlaşmır. Kino sahəsində də bir-birindən parlaq obrazlar yaradan sevimli sənətkarımız "Dörd bazar günü", "Bəyin oğurlanması", "Ad günü", "Yol əhvalatı", "Yaramaz", "Yuxu", "Hər şey yaxşılığa doğru", "Lətifə", "Qətl günü", "Fransız", "Yoxlama" və s. filmlərdə rol alıb.O, həm kino, həm də teatr sahəsində xidmət göstərməklə yanaşı, teatrda "Subaylarınızdan görəsiniz" tamaşasına quruluş verib, kinoda isə "Spasibo" filmini çəkib.Xalq artisti uzun sürən xəstəlikdən sonra 2012-ci ildə noyabrın 22-də dünyasını dəyişib.Həmçinin oxuyun:Şəkidən-Moskvaya və böyük sənətə - Azərbaycan kinosuna italyan neorealizmini gətirən adamGörkəmli aktyorun anadan olmasından 83 il ötür

2021

xəbərlər

ru_AZ

xalq artisti, vəfat, yaşar nuri, ildönümü, il, doqquz