Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Fransa Putinə çağırış etdi: Belarusla sərhəddəki böhrana müdaxilə et

Belarus sərhədi - Sputnik Azərbaycan, 1920, 22.11.2021
Xəbərlərə abunə olun
Yelisey sarayından verilən açıqlamada iki ölkə liderinin Belarus-Polşa sərhədində yaşanan miqrant böhranı ilə bağlı birlikdə fəaliyyət göstərmək üçün razılaşdıqları bildirilmişdi.
BAKI, 22 noyabr — Sputnik. Belarus-Polşa sərhədində yaşanan miqrant böhranının davam etdiyi bir vaxtda Fransa Rusiyaya müraciət edib. Sputnik Azərbaycan xarici mediaya istinadən xəbər verir ki, RTL radiosuna açıqlama verən Fransa XİN rəhbəri Jan-İv Lö Drian problemin həllini tapması üçün Rusiya Prezidenti Vladimir Putindən söz aldıqlarını bildirib.
"Putinin Belarus Prezidenti Aleksandr Lukaşenko ilə yaxın münasibətləri var. İki ölkənin yaxın tarixi, iqtisadi əlaqələri problemin həllini tapması üçün Putinə imkanlar verir. Putin bizə söz verdi ki, problemi həll edəcək. Biz də buna ümid edirik".
Xatırladaq ki, ötən həftə Fransa Prezidenti Emmanuel Makronla Rusiya Prezidenti Vladimir Putin arasında telefon danışığı baş tutmuşdu. Yelisey sarayından verilən açıqlamada iki ölkə liderinin Belarus-Polşa sərhədində yaşanan miqrant böhranı ilə bağlı birlikdə fəaliyyət göstərmək üçün razılaşdıqları bildirilmişdi.
Qeyd edək ki, son günlər Belarus-Polşa sərhədinə Yaxın Şərq ölkələrindən və Afrikadan minlərlə miqrant toplaşıb. Onlar Polşadan keçməklə digər Avropa ölkələrinə getmək istəyirlər. Zaman-zaman miqrantlarla Polşanın təhlükəsizlik qüvvələri arasında toqquşmalar baş verir. Polşa hökuməti yaranmış problemə görə Minski ittiham edir, ancaq Belarus bu ittihamları rədd edərək rəsmi Varşavanın miqrant axınının qarşısını güc yolu ilə almağa çalışdığını bəyan edir.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала