Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Məktəblərə yeni dərslik paylanılacaq - Nazirdən açıqlama

© Photo : Baku city Education DepartmentDərsliklərin paylanılması, arxiv şəkli
Dərsliklərin paylanılması, arxiv şəkli - Sputnik Azərbaycan, 1920, 19.11.2021
Abunə olmaq
Nazir deyib ki, "Zəfər tarixi" dərsini keçən hər bir şagird Hərbi Qənimətlər Parkında, işğaldan azad edilmiş ərazilərdə olmalıdır.
BAKI, 19 noyabr — Sputnik. Təhsil naziri Emin Əmrullayev "Zəfər tarixi" dərsliyinin məktəblərə paylanılacağı tarixi açıqlayıb. Nazir bildirib ki, artıq "Zəfər tarixi" dərsliyi hazırdır:
"Bu dərslik əvvəlki illərdə tədris olunan Qarabağ tarixi fakültətiv məşğələsinin ardı kimi tədris ediləcək".
"Zəfər yolu" inşa müsabiqəsinin qaliblərinin mükafatlandırılması mərasimində çıxış edən nazir həmçinin bildirib ki, dərslik növbəti həftələrdən məktəblərə paylanılacaq:
""Zəfər tarixi" bu tədris ilindən bütün məktəblərdə tədris ediləcək. Bu fənn Azərbaycanın təhsil məzmununda özünəməxsus yer tutacaq. Şagirdlər bu dərslik vasitəsilə Zəfərə necə gəlib çatdığımız barədə məlumatlanacaqlar. Bu dərsliyin hər il yenilənməsi nəzərdə tutulur. Çünki Zəfərdən sonra da Azərbaycan yeni zəfərlər qazanır. Azad olunan ərazilərdəki quruculuq işləri də qələbədir".
Nazir deyib ki, "Zəfər tarixi" dərsliyindəki mövzuların təliminin həmin yerlərdə təşkilini çox vacib hesab edir. Bu dərsi keçən hər bir şagird Hərbi Qənimətlər Parkında, işğaldan azad edilmiş ərazilərdə olmalıdır. Tədrisi bu formada təşkil etmək daha düzgündür. Nəinki abstrakt formatda uşaqlara bu bilikləri çatdırmaq.
Xəbər lenti
0