Azərbaycan Silahlı Qüvvələrinə məxsus zirehli texnika. Arxiv şəkli - Sputnik Azərbaycan, 1920
HƏRBİ
Hərbi quruculuğa, döyüş əməliyyatlarına, silahlı münaqişələrə, silah-sursata dair xəbər və məqalələr

Hərbçilərə məzuniyyətə çıxarkən əlavə müavinət verilməsi təklif edildi

© AP Photo / Emrah GurelAzərbaycan hərbçiləri, arxiv şəkli
Azərbaycan hərbçiləri, arxiv şəkli - Sputnik Azərbaycan, 1920, 17.11.2021
Abunə olmaq
Xidməti yerdəyişmə zamanı hərbi qulluqçulara birdəfəlik kompensasiya və ev əşyalarının daşınması xərcləri ödəniləcək.
BAKI, 17 noyabr — Sputnik. Azərbaycanda hərbi qulluqçulara hər il növbəti məzuniyyətə çıxarkən onlara əlavə olaraq 2 aylıq vəzifə maaşı məbləğində müavinət verilməsi təklif edilir.
Sputnik Azərbaycan xəbər verir ki, bu, "Hərbi qulluqçuların statusu haqqında" yeni qanun layihəsində əksini tapıb.
Qanun layihəsinə əsasən, bu qayda müddətli həqiqi hərbi xidmət hərbi qulluqçularına şamil edilməyəcək.
Yeni qanun layihəsində həmçinin qeyd edilir ki, hərbi qulluqçuların ailə üzvləri və himayəsində olan şəxslərlə birlikdə respublika ərazisində növbəti məzuniyyət keçirdikləri yerə gedib-gəlmək üçün çəkdikləri nəqliyyat xərcləri təsdiqedici sənədlər (taksidən başqa) əsasında onlara ödəniləcək.
Mövcud qanuna əsasən, hərbi qulluqçular (müddətli həqiqi hərbi xidmət hərbi qulluqçularından başqa) hər il növbəti məzuniyyətə çıxarkən onlara əlavə olaraq bir aylıq vəzifə maaşı məbləğində pul təminatı verilir.
“Hərbi qulluqçuların statusu haqqında” yeni qanun layihəsinin ilkin variantına görə, xidməti yerdəyişmə zamanı hərbi qulluqçulara və onların ailə üzvlərinə birdəfəlik kompensasiya, nəqliyyat xərci, ev əşyalarının daşınması ilə bağlı xərclər müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş norma və qaydada ödəniləcək.
Qeyd edək ki, qüvvədə olan qanunda bu xərclər nəzərdə tutulmayıb.
Xəbər lenti
0