https://sputnik.az/20211117/daha-xesteler-bolgelerden-bakiya-axismayacaqlar---agentlik-hekimleri-rayonlara-gonderecek-436422796.html
Daha xəstələr bölgələrdən Bakıya axışmayacaqlar - Agentlik həkimləri rayonlara göndərəcək
Daha xəstələr bölgələrdən Bakıya axışmayacaqlar - Agentlik həkimləri rayonlara göndərəcək
Sputnik Azərbaycan
İxtisaslı kadrların regionlarda işləməsi üçün maliyyə təminatının düzgün qurulması, onların bölgələrdə işləməsi üçün marağın yaradılması vacibdir. 17.11.2021, Sputnik Azərbaycan
2021-11-17T22:00+0400
2021-11-17T22:00+0400
2021-11-17T22:00+0400
bakı
səhiyyə
həkim
icbari tibbi sığorta üzrə dövlət agentliyi
azərbaycan səhiyyə nazirliyi
tibb
https://cdnn1.img.sputnik.az/img/42437/37/424373780_0:127:1960:1230_1920x0_80_0_0_fc2108018bb8c49ebf99cdaa536f2110.jpg
BAKI, 17 noyabr — Sputnik. Azərbaycanın regionlarında çoxfunksiyalı mərkəzi xəstəxanalar yaradılacaq. Bunu İcbari Tibbi Sığorta üzrə Dövlət Agentliyinin Strateji təhlil departamentinin rəhbəri Araz Nəsirov bildirib. Onun sözlərinə görə, Azərbaycanın regionlarında çoxfunksiyalı mərkəzi xəstəxanaların yaradılması planlaşdırılır ki, insanlar yaşadıqları yerlərə yaxın ərazilərdə tibbi xidmət ala bilsin: "Ucqar kənd və qəsəbələrdə tibbi xidmətlərə əlçatanlığı təmin etmək əsas hədəflərimizdən biridir. Həkimlərin böyük hissəsi Bakıda cəmlənib".Bölgələrdə xəstəxana var, həkim yox!Qeyd edək ki, regionlarda ixtisaslı həkim çatışmazlığı dəfələrlə müzakirə olunub. Bölgələrimizdə müasir diaqnostika mərkəzləri inşa olunaraq istifadəyə verilsə də, ya həmin mərkəzlərdə müasir cihazlarla işləmək bacarığına malik tibb işçiləri tapılmır, yaxud da ixtisaslı həkimlər. Elə bu səbəbdən də bölgələrdə ağır qəzalar zamanı, eləcə də bəzi xəstəliklərin diaqnozu və müalicəsi üçün xəstələr Bakıya axışır.Həm kadr hazırlanmalı, həm də infrastruktur qurulmalıdırMilli Məclisin Səhiyyə Komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, icbari tibbi sığortanın tətbiqi ilə əlaqədar olaraq səhiyyə sahəsinin yenidən qurulması və səhiyyə sisteminin modern ölkələrin səhiyyəsinə uyğunlaşdırılması mühüm istiqamətlərdən biridir. Onun sözlərinə görə, bu baxımdan paytaxtda göstərilən tibbi xidmətlərin regionlarda da göstərilməsi mümkündür: "Bu hədəfə çatmaq üçün müxtəlif addımlar atılmalı, kadrlar hazırlanmalıdır. Həmçinin infrastruktur qurulmalıdır. Hazırda rayonlarda xəstəxanalar yenidən qurulsa da, ixtisaslı kadrlarla bağlı problemlər var. Ona görə də ixtisaslı kadrların regionlarda işləməsi üçün maliyyə təminatının düzgün qurulması, onların bölgələrdə işləməsi üçün marağın yaradılması vacibdir".Tibbi sığortada əməyin ödənilməsində yeni yanaşma köməyə çatacaqM.Məmmədli deyir ki, ona görə də icbari tibbi sığortada əməyin ödənilməsində fərqli yanaşma mühüm rol oynayacaq: "Həm həvəsləndirici əlavələr, həmçinin də bonus sisteminin tətbiqi ilə yeni ödəmə bəndlərinin olması bu istiqamətdə ümidləri artırır. İcbari tibbi sığortanın xidmətlər zərfinin artması stimullaşdırıcı tədbirlərin genişləndirilməsinə səbəb olacaq. Təbii ki, problemlər var və mərhələli şəkildə aradan qaldırılır. Burada əsas diqqəti ixtisaslı kadrların vaxtında və düzgün hazırlanması ilə yanaşı, zamanında düzgün yönləndirilməsinə yönəltməliyik. Vakansiyalara rezidentlərin düzgün yönləndirilməsi bu baxımdan nəticə verəcək. Düşünürəm ki, regionlarda çoxfunksiyalı xəstəxanaların qurulması vacibdir".Regionlarda həkim çatışmırAraz Nəsirov isə bildirib ki, Azərbaycanda icbari tibbi sığorta 2 ildir ki, tətbiq olunur. Onun sözlərinə görə, hazırda ölkədəki səhiyyə işçilərinin 60%-i Bakıdadır. Regionlarda işçi çatışmazlığı var:"Bundan başqa, həm paytaxtda, həm də bölgələrdə xeyli sayda yeni xəstəxana binası tikilsə də, vəziyyəti yaxşı olmayan xəstəxanalar hələ də var. Onlarla xəstəxana sökülməli və yenidən inşa edilməlidir. İlkin səhiyyə məntəqələrinin də vəziyyəti yaxşı deyil. Ölkəmizin maliyyə baxımından sıxıntısı yoxdur, zamanla bağlı sıxıntısı var. Bütün bunların qısa zamanda həyata keçirilməsi üçün dövlətin gücü kifayət deyil. Bu baxımdan düşünürük ki, dövlət - özəl sektor tərəfdaşlığı bu yöndə bizə dəstək ola bilər".
Sputnik Azərbaycan
media@sputniknews.com
+74956456601
MIA „Rossiya Segodnya“
2021
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
bakı, həkim, icbari tibbi sığorta üzrə dövlət agentliyi, azərbaycan səhiyyə nazirliyi, tibb
bakı, həkim, icbari tibbi sığorta üzrə dövlət agentliyi, azərbaycan səhiyyə nazirliyi, tibb
Daha xəstələr bölgələrdən Bakıya axışmayacaqlar - Agentlik həkimləri rayonlara göndərəcək
İxtisaslı kadrların regionlarda işləməsi üçün maliyyə təminatının düzgün qurulması, onların bölgələrdə işləməsi üçün marağın yaradılması vacibdir.
BAKI, 17 noyabr — Sputnik. Azərbaycanın regionlarında çoxfunksiyalı mərkəzi xəstəxanalar yaradılacaq. Bunu İcbari Tibbi Sığorta üzrə Dövlət Agentliyinin Strateji təhlil departamentinin rəhbəri Araz Nəsirov bildirib. Onun sözlərinə görə, Azərbaycanın regionlarında çoxfunksiyalı mərkəzi xəstəxanaların yaradılması planlaşdırılır ki, insanlar yaşadıqları yerlərə yaxın ərazilərdə tibbi xidmət ala bilsin:
"Ucqar kənd və qəsəbələrdə tibbi xidmətlərə əlçatanlığı təmin etmək əsas hədəflərimizdən biridir. Həkimlərin böyük hissəsi Bakıda cəmlənib".
Bölgələrdə xəstəxana var, həkim yox!
Qeyd edək ki, regionlarda ixtisaslı həkim çatışmazlığı dəfələrlə müzakirə olunub. Bölgələrimizdə müasir diaqnostika mərkəzləri inşa olunaraq istifadəyə verilsə də, ya həmin mərkəzlərdə müasir cihazlarla işləmək bacarığına malik tibb işçiləri tapılmır, yaxud da ixtisaslı həkimlər. Elə bu səbəbdən də bölgələrdə ağır qəzalar zamanı, eləcə də bəzi xəstəliklərin diaqnozu və müalicəsi üçün xəstələr Bakıya axışır.
Həm kadr hazırlanmalı, həm də infrastruktur qurulmalıdır
Milli Məclisin Səhiyyə Komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, icbari tibbi sığortanın tətbiqi ilə əlaqədar olaraq səhiyyə sahəsinin yenidən qurulması və səhiyyə sisteminin modern ölkələrin səhiyyəsinə uyğunlaşdırılması mühüm istiqamətlərdən biridir. Onun sözlərinə görə, bu baxımdan paytaxtda göstərilən tibbi xidmətlərin regionlarda da göstərilməsi mümkündür:
"Bu hədəfə çatmaq üçün müxtəlif addımlar atılmalı, kadrlar hazırlanmalıdır. Həmçinin infrastruktur qurulmalıdır. Hazırda rayonlarda xəstəxanalar yenidən qurulsa da, ixtisaslı kadrlarla bağlı problemlər var. Ona görə də ixtisaslı kadrların regionlarda işləməsi üçün maliyyə təminatının düzgün qurulması, onların bölgələrdə işləməsi üçün marağın yaradılması vacibdir".
Tibbi sığortada əməyin ödənilməsində yeni yanaşma köməyə çatacaq
M.Məmmədli deyir ki, ona görə də icbari tibbi sığortada əməyin ödənilməsində fərqli yanaşma mühüm rol oynayacaq:
"Həm həvəsləndirici əlavələr, həmçinin də bonus sisteminin tətbiqi ilə yeni ödəmə bəndlərinin olması bu istiqamətdə ümidləri artırır. İcbari tibbi sığortanın xidmətlər zərfinin artması stimullaşdırıcı tədbirlərin genişləndirilməsinə səbəb olacaq. Təbii ki, problemlər var və mərhələli şəkildə aradan qaldırılır. Burada əsas diqqəti ixtisaslı kadrların vaxtında və düzgün hazırlanması ilə yanaşı, zamanında düzgün yönləndirilməsinə yönəltməliyik. Vakansiyalara rezidentlərin düzgün yönləndirilməsi bu baxımdan nəticə verəcək. Düşünürəm ki, regionlarda çoxfunksiyalı xəstəxanaların qurulması vacibdir".
Regionlarda həkim çatışmır
Araz Nəsirov isə bildirib ki, Azərbaycanda icbari tibbi sığorta 2 ildir ki, tətbiq olunur. Onun sözlərinə görə, hazırda ölkədəki səhiyyə işçilərinin 60%-i Bakıdadır. Regionlarda işçi çatışmazlığı var:
"Bundan başqa, həm paytaxtda, həm də bölgələrdə xeyli sayda yeni xəstəxana binası tikilsə də, vəziyyəti yaxşı olmayan xəstəxanalar hələ də var. Onlarla xəstəxana sökülməli və yenidən inşa edilməlidir. İlkin səhiyyə məntəqələrinin də vəziyyəti yaxşı deyil. Ölkəmizin maliyyə baxımından sıxıntısı yoxdur, zamanla bağlı sıxıntısı var. Bütün bunların qısa zamanda həyata keçirilməsi üçün dövlətin gücü kifayət deyil. Bu baxımdan düşünürük ki, dövlət - özəl sektor tərəfdaşlığı bu yöndə bizə dəstək ola bilər".
