Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Bu ay Yaşmada külək elektrik stansiyası işə salınacaq - nazir

© AFP 2021 / INA FASSBENDERKülək elektrik stansiyası, arxiv şəkli
Külək elektrik stansiyası, arxiv şəkli - Sputnik Azərbaycan, 1920, 11.11.2021
Xəbərlərə abunə olun
Pərviz Şahbazov deyib ki, stansiyanın istifadəyə verilməsini birlikdə qeyd etmək üçün Səudiyyə Ərəbistanından Azərbaycana nümayəndə heyətinin səfər edəcəyini gözləyirik.
BAKI, 11 noyabr — Sputnik. "Bu ay Xızı rayonunun Yaşma qəsəbəsində Səudiyyə Ərəbistanının "ACWA Power" şirkətinin inşa etdiyi 240 meqavatlıq külək elektrik stansiyası işə salınacaq".
Sputnik Azərbaycan xəbər verir ki, bunu "Asharq Al-Awsat" nəşrinə müsahibəsində energetika naziri Pərviz Şahbazov deyib.
"Biz stansiyanın istifadəyə verilməsini birlikdə qeyd etmək üçün Səudiyyə Ərəbistanından Azərbaycana nümayəndə heyətinin səfər edəcəyini gözləyirik. Həmin nümayəndə heyəti ilə həmçinin iqtisadi əməkdaşlığın genişləndirilməsi yollarını müzakirə etməyi planlaşdırırıq. Ümumiyyətlə, bu səfər rəsmi Bakı ilə Ər-Riyad arasında iqtisadi əməkdaşlığı genişləndirmək üçün yeni imkanları müzakirə etməyə şərait yaradacaq", - o qeyd edib.
2020-ci ilin dekabrında Energetika Nazirliyi və "Azərenerji" ASC ilə "ACWA Power" şirkəti arasında qoyuluş gücü 240 MVt olan külək elektrik stansiyası layihəsi üzrə investisiya müqaviləsi, enerji alqı-satqısı müqaviləsi və ötürücü şəbəkəyə qoşulma müqaviləsinin imzalanma mərasimi keçirilib. Energetika Nazirliyi adından nazir Pərviz Şahbazov, "Azərenerji" adından qurumun prezidenti Baba Rzayev və "ACWA Power" şirkətinin rəhbəri Mohammad Abunayyan sənədə imza atıb.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала