CƏMİYYƏT
Cəmiyyətin həyatında baş verən aktual hadisələr

Zəfər Günü ilə bağlı elan olunan Amnistiya aktının icrasına başlandı

© Sputnik / Irade JELIL13 saylı cəzaçəkmə müəssisəsində prezidentin əfv fərmanının icrası
13 saylı cəzaçəkmə müəssisəsində prezidentin əfv fərmanının icrası - Sputnik Azərbaycan, 1920, 10.11.2021
Abunə olmaq
Sabah Ədliyyə Nazirliyinin inzibati binasında Zəfər Günü münasibətilə elan olunmuş Amnistiya aktına həsr edilmiş KİV-lərin iştirakı ilə dəyirmi masa da keçiriləcək.
BAKI, 10 noyabr — Sputnik. 8 Noyabr – Zəfər Günü münasibətilə elan olunmuş Amnistiya aktının icrasına başlanılıb.
Sputnik Azərbaycan Trend-ə istinadla xəbər verir ki, bu barədə Ədliyyə Nazirliyindən məlumat verilib.
Məlumatda bildirilir ki, hazırda aktın tətbiqi və icrası ilə bağlı işlər davam etdirilir: "Noyabrın 11-də Ədliyyə Nazirliyinin inzibati binasında Zəfər Günü münasibətilə elan olunmuş Amnistiya aktına həsr edilmiş "Dövlətimizin humanist siyasətinin növbəti təzahürü" mövzusunda KİV-lərin iştirakı ilə dəyirmi masa da keçiriləcək".
Milli Məclisin binası, arxiv şəkli - Sputnik Azərbaycan, 1920, 05.11.2021
CƏMİYYƏT
Böyük əfv - Milli Məclis minlərlə insanın azadlığına qərar verdi
Xatırladaq ki, Milli Məclis noyabrın 5-də Zəfər Günü ilə bağlı Amnistiya elan edilməsi haqqında qanun layihəsini təsdiqləyib. Amnistiya aktı ümumilikdə 16 min nəfərə şamil ediləcək, 3 min nəfər məhkum isə cəzasının çəkilməmiş hissəsindən azad ediləcək.
Milli Məclis sədrinin birinci müavini Əli Hüseynli bildirib ki, Azərbaycan Prezidenti tərəfindən təqdim olunan amnistiya sənədi ənənəvi olaraq preambula və 4 hissədən ibarətdir. Preambulada çox ciddi arqumentlər səslənir və amnistiyanın zərurəti vurğulanır. Sənəddə amnistiya tətbiq edilən şəxslərin dairəsi, amnistiyanın tətbiqinə məhdudiyyətlər, amnistiya aktının hüquqi qüvvəsi və amnistiyanın tətbiqi qaydaları öz əksini tapıb.
O qeyd edib ki, parlament tərəfindən sonuncu amnistiya 2016-cı ildə qəbul olunub. Amma bu amnistiyanı şərtləndirən ən vacib məqam onun Zəfər Gününə – 8 Noyabr tarixinə həsr olunmasıdır. Amnistiyanın preambulasında da qeyd olunduğu kimi, Vətən müharibəsindəki Qələbə Azərbaycan xalqının özünə inamını, güvənini daha da artırıb, Azərbaycan dövlətçiliyini daha da gücləndirib. Belə bir mərhələdə amnistiyanın elan olunması hələ Ulu öndər Heydər Əliyevdən başlayaraq ölkəmizdə həyata keçirilən humanizm siyasətinin yenə də davam etdiyinin göstəricisidir.
Xəbər lenti
0