https://sputnik.az/20211110/bolgelerde-daha-iki-reabilitasiya-merkezinin-acilmasi-gozlenilir-435059728.html

Bölgələrdə daha iki reabilitasiya mərkəzinin açılması gözlənilir

Bölgələrdə daha iki reabilitasiya mərkəzinin açılması gözlənilir

Sputnik Azərbaycan

Bakıda Ümumdünya Səhiyyə Təşkilatının Avropa regional ofisinin reabilitasiya üzrə regional texniki rəhbəri ilə görüş keçirilib. 10.11.2021, Sputnik Azərbaycan

2021-11-10T20:07+0400

2021-11-10T20:07+0400

2021-11-10T20:07+0400

sosial reabilitasiya mərkəzi

cəmiyyət

https://cdnn1.img.sputnik.az/img/07e5/02/19/426318550_0:103:1000:666_1920x0_80_0_0_28b5e2570a3cb5ce4f8f44a0c14df0a2.jpg

BAKI, 10 noyabr — Sputnik. Əmək və Əhalinin Sosial Müdafiəsi Nazirliyində Ümumdünya Səhiyyə Təşkilatının (ÜST) Avropa regional ofisinin reabilitasiya üzrə regional texniki rəhbəri Satiş Mişra ilə görüş olub.Nazirliyin İctimaiyyətlə əlaqələr və kommunikasiya şöbəsindən Sputnik Azərbaycan-a verilən məlumata görə, görüşdə ÜST-ün Azərbaycandakı nümayəndəsi Hande Harmancı, Avropa regional ofisin reabilitasiya və əlillik üzrə regional texniki əməkdaşı Cathal Morgan da iştirak edilər.Əmək və əhalinin sosial müdafiəsi nazirinin müavini Hidayət Abdullayev ölkəmizdə əlilliyi olan şəxslərin reabilitasiyası sahəsində aparılan işləri diqqətə çatdıraraq bildirib ki, Prezident İlham Əliyevin əlilliyi olan şəxslərə xüsusi qayğısı nəticəsində həmin kateqoriyadan olan şəxslərin reabilitasiya imkanlarının artırılması üçün ardıcıl işlər aparılır. Son iki ildə 12 reabilitasiya və sosial xidmət müəssisəsi əsaslı təmir və yenidənqurmadan sonra müasir avadanlıqlarla təchiz olunaraq istifadəyə verilib. Bu sahədə görülən işlərin şəbəkəsinin genişləndirilməsi üçün bölgələrdə daha iki reabilitasiya mərkəzinin də açılmasına hazırlıq işləri aparılır.Nazir müavini dövlət büdcəsi hesabına verilən reabilitasiya vasitələri növlərinin siyahısına ötən il daha 23 yeni növün də daxil edildiyini, siyahıdakı reabilitasiya vasitələrinin sayının 57-yə çatdırıldığını bildirib. Ötən ilin dekabrından ölkəmizdə yüksək texnologiyalı protezlərlə, bu ilin ilk aylarından mühərrikli təkərli oturacaqla da təminata başlanıldığını qeyd edib.H.Abdullayev bildirib ki, ÜST ilə əməkdaşlıq köməkçi texnologiyalar (reabilitasiya vasitələri) ilə təminatın həmin vasitələrə ehtiyac duyan digər kateqoriyalar üzrə əhatəsinin genişləndirilməsi üçün tələbat və təkliflər üzrə məlumatlar bazasının formalaşdırılması və qiymətləndirmələrin aparılması işlərini də əhatə edir.Görüşdə qeyd edilib ki, ümumilikdə köməkçi texnologiyalarla təminat sisteminin inkişaf etdirilməsində ÜST ilə fəal əməkdaşlıq təcrübəsi yaranıb. Ötən ay ÜST-ün Avropa Regional Bürosunun köməkçi texnologiyalar üzrə onlayn formatda təşkil etdiyi, 53 ölkənin iştirak etdiyi regional məşvərət iclasında köməkçi texnologiyalar üzrə milli sistemlərə dair məruzəsi gündəliyə salınmış 4 ölkədən biri də Azərbaycan olub. Həmin ölkələr arasında Böyük Britaniya, Norveç, Niderland və Azərbaycan iclasın gündəliyində yer alıb. Bu da təbii ki, həmin sahədə ölkəmizin ÜST ilə səmərəli əməkdaşlığına həmin təşkilat tərəfindən yüksək dəyər verildiyini göstərir.S.Mişra köməkçi texnologiyalar üzrə milli sistemlərin inkişafı sahəsində aparılan işlərin, nazirliyin bu sahədə mütərəqqi yanaşmalarının və ÜST-lə birgə məqsədyönlü fəaliyyətinin təqdirəlayiq olduğunu bildirib.Görüşdə köməkçi texnologiyalar-reabilitasiya vasitələri sisteminin inkişafı məsələləri, bu sistemə olan tələbat və təkliflər haqqında məlumatlar bazasının formalaşması üçün bu ilin ötən dövründə aparılan tədqiqat işləri müzakirə edilib.

https://sputnik.az/20210928/merkez-direktoru-sanator-kurort-reabilitasiya--merkezinde--1300--qaziye--xidmet-gosterilib-433606570.html

https://sputnik.az/20210303/Qazinin-gorme-qabiliyyeti-berpa-olunub-FOTO-426370666.html

2021

xəbərlər

ru_AZ

sosial reabilitasiya mərkəzi