https://sputnik.az/20211104/artiq-xaricden-qaz-saygaclari-almayacagiq-434884522.html
Artıq xaricdən qaz sayğacları almayacağıq
Artıq xaricdən qaz sayğacları almayacağıq
Sputnik Azərbaycan
"Gəncə Cihazqayırma Zavodu" ilə imzalanan memorandum G-4T və G-2,5T məişət tipli mexaniki qaz sayğaclarına olan tələbatı yerli istehsalçının ödəməsinin hüquqi... 04.11.2021, Sputnik Azərbaycan
2021-11-04T22:16+0400
2021-11-04T22:16+0400
2021-11-04T22:16+0400
qaz sayğacı
azərbaycan xəbərləri
"azəriqaz"
"azəriqaz" istehsalat birliyi
https://cdnn1.img.sputnik.az/img/07e4/08/0d/424671774_0:82:3073:1810_1920x0_80_0_0_f712058eaa180d4d6c739231cb103ffa.jpg
BAKI, 4 noyabr — Sputnik. Bu gün Azərbaycan Dövlət Neft Şirkətinin (SOCAR) "Azəriqaz" İstehsalat Birliyi ilə "Gəncə Cihazqayırma Zavodu" ASC arasında memorandum imzalanıb.Sputnik Azərbaycan bu barədə "Azəriqaz"a istinadən xəbər verir.Məlumata görə, sənədi İstehsalat Birliyinin baş direktoru Ruslan Əliyev və səhmdar cəmiyyətinin icraçı direktoru Ayət Bağırov imzalayıb.Xatırladaq ki, ölkə prezidentinin 6 dekabr 2016-cı il tarixli fərmanı ilə təsdiq edilmiş "Milli iqtisadiyyat perspektivləri üzrə Strateji Yol Xəritələri"ndə, idxalın əvəzlənməsi fəaliyyətinin dəstəklənməsi və yerli məhsullarla özünü təminetmə səviyyəsinin daha da yüksəldilməsi strateji məqsəd olaraq müəyyənləşdirilib.Ölkə üzrə həyata keçirilən iqtisadi islahatlar çərçivəsində idxalı əvəz edən yeni istehsal sahələrinin yaradılması və ixrac imkanlarının genişləndirilməsi dövlətin prioritet vəzifələrindən sayılır. Daxili istehsalın rəqabət qabiliyyətinin gücləndirilməsinə verilən dəstək də bu niyyətdən doğur."Gəncə Cihazqayırma Zavodu" ilə imzalanan memorandum G-4T və G-2,5T məişət tipli mexaniki qaz sayğaclarına olan tələbatı yerli istehsalçının ödəməsinin hüquqi bazasını təmin edəcək.Tədbirdə çıxış edən R.Əliyev bildirib ki, bu əməkdaşlıq sayğaclara olan tələbatın ödənilməsi üçün SOCAR-ın idxaldan asılılığını azaldacaq, eyni zamanda xarici valyutanın ölkədən kənara çıxmasının qarşısını alacaq, şəffaflığı təmin edəcək, fəaliyyət sahəsi üzrə xərclərin optimallaşdırılmasına və gəlirlərin artırılmasına şərait yaradacaq. Baş direktor şəffaflığın təmin olunması baxımından mətbuat nümayəndələrinin zavodun işi və şəraiti ilə tanış olmaları məqsədi ilə Gəncəyə səfərinin təşkil ediləcəyini də bildirib.A.Bağırov isə "Azəriqaz"ın tələblərinin yüksək səviyyədə qarşılanması üçün peşəkar kollektivə və dünya standartlarına cavab verən avadanlıqlara sahib olduqlarını deyib. O, əmin edib ki, istehsal edəcəkləri sayğaclar abonentlərə göstərilən yüksək səviyyəli xidmətə adekvat olacaq.
Sputnik Azərbaycan
media@sputniknews.com
+74956456601
MIA „Rossiya Segodnya“
2021
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
qaz sayğacı, "azəriqaz", "azəriqaz" istehsalat birliyi
qaz sayğacı, "azəriqaz", "azəriqaz" istehsalat birliyi
Artıq xaricdən qaz sayğacları almayacağıq
"Gəncə Cihazqayırma Zavodu" ilə imzalanan memorandum G-4T və G-2,5T məişət tipli mexaniki qaz sayğaclarına olan tələbatı yerli istehsalçının ödəməsinin hüquqi bazasını təmin edəcək.
BAKI, 4 noyabr — Sputnik. Bu gün Azərbaycan Dövlət Neft Şirkətinin (SOCAR) "Azəriqaz" İstehsalat Birliyi ilə "Gəncə Cihazqayırma Zavodu" ASC arasında memorandum imzalanıb.
Sputnik Azərbaycan bu barədə "Azəriqaz"a istinadən xəbər verir.
Məlumata görə, sənədi İstehsalat Birliyinin baş direktoru Ruslan Əliyev və səhmdar cəmiyyətinin icraçı direktoru Ayət Bağırov imzalayıb.
Xatırladaq ki, ölkə prezidentinin 6 dekabr 2016-cı il tarixli fərmanı ilə təsdiq edilmiş "Milli iqtisadiyyat perspektivləri üzrə Strateji Yol Xəritələri"ndə, idxalın əvəzlənməsi fəaliyyətinin dəstəklənməsi və yerli məhsullarla özünü təminetmə səviyyəsinin daha da yüksəldilməsi strateji məqsəd olaraq müəyyənləşdirilib.
Ölkə üzrə həyata keçirilən iqtisadi islahatlar çərçivəsində idxalı əvəz edən yeni istehsal sahələrinin yaradılması və ixrac imkanlarının genişləndirilməsi dövlətin prioritet vəzifələrindən sayılır. Daxili istehsalın rəqabət qabiliyyətinin gücləndirilməsinə verilən dəstək də bu niyyətdən doğur.
"Gəncə Cihazqayırma Zavodu" ilə imzalanan memorandum G-4T və G-2,5T məişət tipli mexaniki qaz sayğaclarına olan tələbatı yerli istehsalçının ödəməsinin hüquqi bazasını təmin edəcək.
Tədbirdə çıxış edən R.Əliyev bildirib ki, bu əməkdaşlıq sayğaclara olan tələbatın ödənilməsi üçün SOCAR-ın idxaldan asılılığını azaldacaq, eyni zamanda xarici valyutanın ölkədən kənara çıxmasının qarşısını alacaq, şəffaflığı təmin edəcək, fəaliyyət sahəsi üzrə xərclərin optimallaşdırılmasına və gəlirlərin artırılmasına şərait yaradacaq. Baş direktor şəffaflığın təmin olunması baxımından mətbuat nümayəndələrinin zavodun işi və şəraiti ilə tanış olmaları məqsədi ilə Gəncəyə səfərinin təşkil ediləcəyini də bildirib.
A.Bağırov isə "Azəriqaz"ın tələblərinin yüksək səviyyədə qarşılanması üçün peşəkar kollektivə və dünya standartlarına cavab verən avadanlıqlara sahib olduqlarını deyib. O, əmin edib ki, istehsal edəcəkləri sayğaclar abonentlərə göstərilən yüksək səviyyəli xidmətə adekvat olacaq.
