DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Onların bişirəcəyi əti Avropa İttifaqı doğrayacaq

© REUTERS / Amir CohenSteyk, arxiv şəkli
Steyk, arxiv şəkli - Sputnik Azərbaycan, 1920, 03.11.2021
Abunə olmaq
BAKI, 3 noyabr - Sputnik. Böyük Britaniyada mal əti istehsal edən müəssisələr onu İrlandiyaya ixrac, sonra da yenidən idxal edirlər.
The Guardian yazır ki, buna səbəb ölkədə əti düzgün doğramağı bacaran ixtisaslı kadrların olmamasıdır.
"Mal ətini istehsal edənlər məcburdurlar ki, cəmdəkləri İrlandiyaya göndərsinlər. Orada cəmdəklər doğranıb, supermarketlərdə satılmaq üçün qablaşdırılır və geriyə göndərilir", - Britaniya Ət Emalçıları Assosiasiyasının icraçı direktoru Nik Allen deyib.
Onun sözlərinə görə, ət emalı müəssisələrində, qəssabxanalarda işçi qüvvəsi çatışmadığı səbəbindən fermalarda sağlam heyvanların kütləvi məhv edilməsinin qarşısını almaq üçün istehsalçılar bu addımı atmağa məcbur olublar. Ancaq buna rəğmən, artıq 10 min baş heyvan öldürülüb və proses hələ də davam edir.
Bundan başqa, ətin emalı üçün ixrac-idxalı cəmdəklə dolu hər yük maşını üçün əlavə 1500 funta başa gələcək. Nəşr yazır ki, buraya Brexit-dən sonra tətbiq olunmuş nəqliyyat və gömrük rüsumları da daxildir.
Ət istehsalçılarını narahat edən daha bir məsələ isə işə müvəqqəti cəlb olunacaq qəssablar üçün minimum əmək haqqının 25.6 min funt müəyyən edilməsidir, üstəlik, həmin adamları işə götürən firmalar onların Böyük Britaniyaya gəlmələri üçün aviabiletlərinin pulunu ödəməli, ölkədə yaşayış xərclərini də qarşılamalıdırlar. İşçilərə ayrılan vizanın müddəti də onların öyrədilməsinə sərf olunan vaxtdan xeyli qısa - cəmi altı aydır.
Bu yaxınlarda məlum olub ki, Almaniya da hazırda Böyük Britaniyanın üzləşdiyi problemlərin girdabına düşə bilər - çünki hazırda ölkədə 1.2 milyon işçi çatışmır.
Xəbər lenti
0