Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Türk Şurası təhsil nazirləri İstanbulda toplaşırlar

© AP Photo / STRİstanbula mənzərə, arxiv şəkli
İstanbula mənzərə, arxiv şəkli - Sputnik Azərbaycan, 1920, 02.11.2021
Xəbərlərə abunə olun
Nazir Emin Əmrullayev İstanbulda keçiriləcək Türk Şurasının Təhsil Nazirlərinin Konfransına qatılacaq.
BAKI, 2 noyabr — Sputnik. İstanbulda Türkdilli Dövlətlərin Əməkdaşlıq Şurasına (Türk Şurası) üzv dövlətlərin təhsil nazirlərinin iclası keçiriləcək.
Sputnik Azərbaycan-ın xəbərinə görə, bu barədə Türk Şurasının mətbuat xidməti məlumat yayıb.
Noyabrın 4-də keçiriləcək iclasa Türk Şurasının Baş katibi Bağdad Amreyev sədrlik edəcək.
İclasda Türk Şurası Türk Universitetlər Birliyi (TÜRKÜNİB) çərçivəsində fəaliyyət, orta/ali məktəblər arasında Üçüncü Tələbə Mübadilə Proqramları, Türk Şurasına üzv dövlətlərin təhsil mütəxəssisləri üçün təhsil mübadilə proqramı (potensialın artırılması üzrə təlim), üzv dövlətlərin orta/ali məktəbləri arasında qardaş məktəb əlaqələri və Türk Akademiyası ilə bağlı məsələlər müzakirə olunacaq.
İclasın sonunda Türk Şurasının Türk Universitetləri Birliyinin Orxun Mübadilə Proqramı və “Türk Universitetləri Birliyinin və Ali Təhsil Məkanının yaradılması haqqında Direktiv”in 10-cu maddəsinə dəyişikliklə bağlı Əsasnamənin imzalanma mərasimi olacaq.
Qeyd edək ki, noyabrın 1-də Azərbaycan Respublikasının təhsil naziri Emin Əmrullayevin rəhbərlik etdiyi nümayəndə heyətinin Türkiyə Respublikasına səfəri başlanıb.
Elə həmin gün Azərbaycanın təhsil naziri Emin Əmrullayev ilə Türkiyənin milli təhsil naziri Mahmut Özər arasında görüş keçirilib.
Səfər çərçivəsində Azərbaycan nümayəndə heyətinin Türkiyə Prezidenti Administrasiyasının Rəqəmsal Transformasiya Ofisinin rəhbəri Ali Taha Koç, Ali Təhsil Şurasının (YÖK) sədri Erol Özvar, Türkiyənin Xaricdə Yaşayan Türklər və Əqrəba İcmaları Baş İdarəsinin (YTB) rəisi Abdullah Eren və Bilkənt Universitetinin rektoru Abdullah Atalar ilə görüşləri nəzərdə tutulub.
Nazir Emin Əmrullayev İstanbulda keçiriləcək Türk Şurasının Təhsil Nazirlərinin Konfransına qatılacaq.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала