DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

İran və dünya gücləri nüvə danışıqlarının bərpası üçün yol axtarırlar

© AFP 2023 / EMMANUEL DUNANDAİ və İran bayrağı, arxiv şəkli
Aİ və İran bayrağı, arxiv şəkli - Sputnik Azərbaycan, 1920, 29.10.2021
Abunə olmaq
Biz İran da daxil olmaqla başqa tərəfdaşlarımızla nüvə danışıqlarının bərpası və yenidən bir araya gəlmək üçün görüş tarixi müəyyənləşdirməyə çalışırıq.
BAKI, 29 oktyabr — Sputnik. İran və dünya gücləri 2015-ci ildən əldə olunmuş nüvə sazişini canlandırmaq üçün Vyana nüvə danışıqlarını bərpa etməklə bağlı razılaşmağa çalışırlar. Sputnik Azərbaycan "Reuters"ə istinadən xəbər verir ki, bu barədə cümə günü Avropa İttifaqının sözçüsü Peter Stano məlumat verib.
İran tərəfinin danışıqlardakı rəhbəri də oktyabrın 27-də Brüsseldə keçirilən görüşlərdən sonra bildirib ki, bu ilin noyabrın sonuna qədər danışıqlar bərpa edilə bilər.
Avropa İttifaqının nümayəndəsi Peter Stano oktyabrın 27-də Brüsseldə keçirilmiş görüşü faydalı hesab etdiyini bildirib və qeyd edib ki, bu görüş danışıqların bərpası üçün yeni yolun tapılmasını müyyənləşdirməyə kömək edib.

"Biz İran da daxil olmaqla başqa tərəfdaşlarımızla nüvə danışıqlarının bərpası və yenidən bir araya gəlmək üçün görüş tarixi müəyyənləşdirməyə çalışırıq. Apreldən etibarən Tehran və digər 6 güc 2018-ci ildən dayandırılmış nüvə danışıqlarının bərpası ilə bağlı müzakirələr aparır", - deyə Aİ nümayəndəsi bildirib.

Qeyd edək ki, üç il əvvəl ABŞ-ın sabiq prezidenti Donald Trampın nüvə razılaşmasından çəkilməsindən sonra danışıqlar dayandırılıb. İranda mühafizəkarların namizədi İbrahim Rəisinin prezident seçilməsindən sonra danışıqların bərpasının çətin olacağı düşünülür.
Xəbər lenti
0