Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Paşinyan vaxtilə yatdığı qazamatı bağlatdırır?

© Photolure via REUTERSNikol Paşinyan, arxiv şəkli
Nikol Paşinyan, arxiv şəkli - Sputnik Azərbaycan, 1920, 29.10.2021
Xəbərlərə abunə olun
Ermənistan Nazirlər Kabinetinin iclasında Ədliyyə Nazirliyinin "Razdan" və "Koş" cəzaçəkmə müəssisələrinin bağlanması haqqında layihə təsdiqlənib.
BAKI, 29 oktyabr — Sputnik. Ermənistanda iki həbsxananın bağlanması haqqında qərar qəbul olunub Sputnik Ermənistan-ın xəbərinə görə, oktyabrın 28-də bu ölkənin Nazirlər Kabinetinin iclasında Ədliyyə Nazirliyinin "Razdan" və "Koş" cəzaçəkmə müəssisələrinin bağlanması haqqında layihə təsdiqlənib.
Layihədə qeyd olunur ki, Razdan və Koş cəzaçəkmə müəssisələrində iş yükü ilə bağlı problemlər var. Bundan başqa, Razdan həbsxanası yaşayış binalarından cəmi bir neçə metr aralıda yerləşir ki, bu da həbsxanaya qadağan olunmuş əşyaların daxil olmasını asanlaşdırır. Qərara əsasən, 2022-ci il yanvarın 1-dək məhkumlar həmin cəzaçəkmə müəssisələrindən başqa yerə köçürülməlidirlər.
Ancaq Ermənistan Helsinki Komitəsinin sədri, hüquq müdafiəçisi Avetik İşxanyan Sputnik Ermənistana sözügedən həbsxanaların qapadılması qərarının altında tamamilə başqa səbəbin yatdığını bildirib. Onun sözlərinə görə, əsas səbəb təhlükəsizlik deyil. İşxanyan bildirib ki, əgər belə problemlər həqiqətən də mövcud idisə, o zaman Ədliyyə Nazirliyi onların aradan qaldırılmasına çalışmalı idi.
Hüquq müdafiəçisi sözügedən qərarı vaxtilə "Koş" cəzaçəkmə müəssisəsində saxlanılan Ermənistanın Baş naziri Nikol Paşinyanın həmin yerlə bağlı mənfi xatirələrini silmək cəhdi kimi qiymətləndirib.
Qeyd edək ki, 2010-cu ilin yanvarında Yerevanın Mərkəzi və Nork-Maraş inzibati rayon məhkəməsi Paşinyanı 2008-ci il martın 1-2-də bir qrup şəxslə Yerevanda kütləvi iğtişaşlar təşkil etdiyinə görə, 7 il müddətinə azadlıqdan məhrum edib. O, bir il 11 ay həbsdə yatdıqdan sonra 2011-ci ilin mayında amnistiyaya aktı nəticəsində azadlığa buraxılıb.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала