https://sputnik.az/20211029/nternet-falcisi-arsenics-ele-kecdi---bank-kartlarindan-pul-ogurlayirmis-434713925.html

İnternet falçısı "Arsenics" ələ keçdi - Bank kartlarından pul oğurlayırmış

İnternet falçısı "Arsenics" ələ keçdi - Bank kartlarından pul oğurlayırmış

Sputnik Azərbaycan

Əlizamin İslamov müxtəlif kibercinayətkarlıq üsullarından istifadə edərək "Instagram" sosial şəbəkəsində "baxıcı_falcı_arzu" adlı saxta səhifə yaradıb. 29.10.2021, Sputnik Azərbaycan

2021-10-29T17:44+0400

2021-10-29T17:44+0400

2021-10-29T17:44+0400

internet

cəmiyyət

dələduz

polis

fal

https://cdnn1.img.sputnik.az/img/42176/51/421765103_0:0:3072:1728_1920x0_80_0_0_323a1ab7fc08eba5cdf286c04bf57dd9.jpg

BAKI, 29 oktyabr — Sputnik. Vətəndaşların bank kartlarındakı məlumatları ələ keçirərək onların hesablarından oğurluq edən virtual məkanda özünü "Arsenics" kimi təqdim edən kibercinayətkar saxlanılıb.Daxili İşlər Nazirliyindən Sputnik Azərbaycan-a verilən məlumata görə, nazirliyin Baş Mütəşəkkil Cinayətkarlıqla Mübarizə İdarəsinin əməkdaşlarının həyata keçirdikləri növbəti əməliyyat-texniki tədbirlər nəticəsində müəyyən edilib ki, paytaxt sakini, yetkinlik yaşına çatmadığına görə şərti adı Əlizamin İslamov olan şəxs müxtəlif kibercinayətkarlıq üsullarından istifadə edərək "Instagram" sosial şəbəkəsində "baxıcı_falcı_arzu" adlı saxta səhifə yaradıb. O, guya internet üzərindən falçılıq xidmətləri təklif etməklə müraciət edən vətəndaşlara ödənişin onlayn qaydada olduğunu bildirib.Əlizamin İslamov səhifəyə müraciət edən şəxslərə müxtəlif bank və ödəniş saytlarının rəsmi prototiplərinə uyğun özünün hazırladığı saxta nümunələri təqdim etməklə zərərçəkənlərin kart məlumatlarını ələ keçirib.Araşdırma zamanı müəyyən edilib ki, adıçəkilən şəxs fəaliyyət göstərdiyi 5 ay ərzində ona müraciət edən 300-ə yaxın vətəndaşa məxsus kart məlumatlarını ələ keçirərək həmin hesablardan vəsaitləri açdığı elektron pul kisələrinə köçürüb. Daha sonra şəxsi məqsədləri üçün həmin vəsaitlərlə onlayn alış-veriş edərək pulları nağdlaşdırıb.Əlizamin İslamov bu müddət ərzində vətəndaşların hesablarından 100 min manata yaxın pulu çıxararaq xüsusi proqramlar vasitə ilə ələ keçirib. Bundan əlavə Əlizamin İslamov öz qanunsuz əməllərinin miqyasını genişləndirmək, daha çox pul vəsaiti ələ keçirmək və virtual mütəşəkkil cinayətkar dəstə yaratmaq məqsədilə "Telegram" ani mesajlaşma tətbiqində özünə məxsus kanal yaradıb. Orada həmin şəxs kart məlumatlarını ələ keçirmək üçün kibercinayət üsulları barədə kanalın izləyicilərinə müxtəlif onlayn təlimlər keçib.Saxlanıldıqdan sonra onun yaşadığı mənzilə baxış keçirilən zamanı iş üzrə xüsusi əhəmiyyət kəsb edən elektron məlumatlar, istifadəsində olan mobil telefonlar, həmçinin digər məlumat daşıyıcılarından vətəndaşlara onlayn yolla göndərdiyi mesajlar və digər sübutlar aşkar olunaraq götürülüb. Saxlanılan şəxs təkzibedilməz faktlar və sübutlar qarşısında törətdiyi əməlləri etiraf edib. Qeyd olunan xüsusatların tam, hərtərəfli araşdırılması istiqamətində əməliyyat-texniki və əməliyyat-istintaq tədbirləri davam etdirilir: "Bir daha vətəndaşlara müraciət edərək bildiririk ki, şəxsi anket və bank kartlarındakı məlumatları heç bir halda tanımadıqları şəxslərə göndərməsinlər. Bu cür hallarla üzləşdikləri təqdirdə isə dərhal polis əməkdaşlarına, həmçinin Nazirliyin sosial şəbəkələrdəki rəsmi səhifələrinə məlumat versinlər.

2021

xəbərlər

ru_AZ

internet, dələduz, polis, fal