https://sputnik.az/20211026/ermenistan-parlamenti-tecili-toplanir--azerbaycanla-serhed-muzakire-olunacaq-434591562.html

Ermənistan parlamenti təcili toplanır – Azərbaycanla sərhəd müzakirə olunacaq

Ermənistan parlamenti təcili toplanır – Azərbaycanla sərhəd müzakirə olunacaq

Sputnik Azərbaycan

Ermənistan parlamenti Azərbaycanla sərhədin demarkasiyası ilə bağlı qapalı dinləmələr keçirəcək. 26.10.2021, Sputnik Azərbaycan

2021-10-26T11:51+0400

2021-10-26T11:51+0400

2021-10-26T11:51+0400

dünya xəbərləri

ermənistan

ermənistan xin

ermənistanın baş naziri nikol paşinyan

azərbaycan və ermənistan arasında müharibə

https://cdnn1.img.sputnik.az/img/40276/08/402760819_0:101:1024:677_1920x0_80_0_0_a87343f060eff01a60ab7f3244948ea0.jpg

BAKI, 26 oktyabr — Sputnik. Bu gün Ermənistan Parlamentində Azərbaycanla sərhəddə vəziyyətə dair və demarkasiya məsələləri ilə bağlı qapalı dinləmələr keçiriləcək. Sputnik Ermənistan xəbər verir ki, dinləmələrdə Ermənistan Silahlı Qüvvələrinin Baş Qərargah rəisinin müavini Kamo Kocunts və Ermənistan Milli Təhlükəsizlik Xidmətinin sərhəd qoşunları komandanı Arman Maralçyan iştirak edəcək.Parlamentin iclası zamanı sədrin müavini Runben Rubinyan deputatların 1/5 bu məsələ ilə bağlı dinləmələr keçirilməsini təklif edib.Maraqlıdır ki, Ermənistan xarici işlər naziri Ararat Mirzoyan bu dinləmələrdə iştirak etməyəcək.Qeyd edək ki, ötən həftə Ermənistan KİV məlumat yayıb ki, noyabrın 9-da Moskvada Azərbaycan və Ermənistan arasında iki yeni sənədin imzalanması gözlənilir.Sənədlər Rusiya Federasiyasının Prezidenti Vladimir Putinin iştirakı ilə Azərbaycan Prezidenti İlham Əliyev və Ermənistanın Baş naziri Nikol Paşinyan arasında imzalanacaq.Birinci sənəd Azərbaycan və Ermənistanın dövlət sərhədlərinin delimitasiya və demarkasiyasını əhatə edir. Sənədə əsasən SSRİ-nin Müdafiə Nazirliyinin Baş qərargahının 1920-ci il xəritələrinə əsaslarında Bakı və İrəvan bir-birlərinin sərhədlərini və ərazi bütövlüyünü tanıyacaq.İkinci sənəd regionda kommunikasiya əlaqələrinin açılması barədə, xüsusən dəhliz yolunun, eləcə də Azərbaycan və Naxçıvan arasında yolun açılmasını əhatə edəcək. Sənəd bir müddət öncə Azərbaycan, Rusiya və Ermənistan Baş nazir müavinlərinin görüşü zamanı əldə olunan razılıqlar əsasında hazırlanıb.Nəşr yazır ki, 9 noyabr tarixi xüsusilə seçilib. Məhz 2020-ci ildə Azərbaycan Prezidenti və Ermənistanın Baş naziri Rusiyanın vasitəçiliyi ilə üçtərəfli saziş imzalayıb.Qeyd edək ki, oktyabrın 18-i Azərbaycan, Ermənistan və Rusiya hökumət başçıları müavinlərindən ibarət üçtərəfli İşçi Qrupunun 8-ci iclasının ilk hissəsi baş tutub. Görüşdə Cənubi Qafqaz regionunda nəqliyyat kommunikasiyalarının bərpasının perspektivləri, Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya prezidenti Vladimir Putinin yanvarın 11-də qəbul etdikləri 4 maddəlik birgə bəyanat çərçivəsində görülən işlərin gedişatı müzakirə edilib.Tərəflər 8-ci görüşün ikinci hissəsinin yaxın vaxtlarda keçirilməsi barədə razılığa gəliblər.Qeyd edək ki, Moskva görüşündə Azərbaycan Respublikası Baş nazirinin müavini Şahin Mustafayev, Ermənistan Respublikasının Baş nazirinin müavini Mqer Qriqoryan və Rusiya Federasiyası Baş nazirinin müavini Aleksey Overçuk iştirak ediblər.Xatırladaq ki, Azərbaycan Prezidenti İlham Əliyev, Rusiyanın dövlət başçısı Vladimir Putin və Ermənistanın Baş naziri Nikol Paşinyan arasında 2021 -ci il yanvarın 11-də Moskvada keçirilən danışıqlardan sonra üç ölkənin Baş nazir müavinlərinin rəhbərliyi altında İşçi Qrupun yaradılması barədə qərar qəbul edilib.

2021

xəbərlər

ru_AZ

ermənistan, ermənistan xin, ermənistanın baş naziri nikol paşinyan, azərbaycan və ermənistan arasında müharibə