“Tikdirdim atam üçün, bəzətdirdim anam üçün” - Beyləqandakı Seyid Ağa türbəsi

“Haşimilər tayfasından olan Kərbəlayı Seyid Ağanın həyatı çox keşməkeşli və möcüzələrlə dolu olub. Əslən iranlı olan Ağa Gülü adlı əmisi qızı ilə ailə həyatı qurub. Onların Aminə adlı bir qızları dünyaya gəlib. Cavan yaşında həyat yoldaşını itirən Seyid Ağa qızını da götürüb Azərbaycana gəlib. Daha sonra əfşar tayfasından olan İnci adlı qızla ailə həyatı qurub və ondan da 3 övladı dünyaya gəlib”.

Ən yadda qalanları çalışacağam sizə danışım. Bunlardan biri də Ağanın dağda başına gələn hadisədir. Deməli, Ağa bir gün dağa gedir və bir çoban onun yanına gəlir. Çoban ona xitabən deyir: “Ağa, bəs, deyirlər sənin möcüzələrin çoxdur. Mənim də uzun illərdir övladım olmur. Elə bir şey elə ki, mənim də övladım olsun, biz də həqiqətən səndə ilahi qüvvənin olub-olmadığını öz gözlərimizlə görək”. Ağa ona buyurur ki, tövlədəki qoyun qığından (qığ - qoyun nəcisi) bir qədər gətirsin. Qığın içini açan Ağa çobana deyir ki, sənin iki oğlun olacaq. Amma birinin boynu əyri olacaq. Həqiqətən də, 1 il ərzində çobanın əkiz oğlu dünyaya gəlir ki, onlardan da birinin boynu əyri olur. Bütün çamaat yığışıb Ağanın yanına gəlir və ona təşəkkür edirlər. Daha sonra çoban uşağın boynunun əyri olmasının səbəbini soruşur. O isə övladı verənin Allah olduğunu və uşağın belə doğulmasındakı sirrin ancaq Yaradana məxsus olduğunu vurğulayır".

"Bilirdilər ki, Ağanın malına toxunan xeyir tapmaz. Günlərin bir günü heyvanları yoxlamağa gələndə görüblər ki, Ağanın həyətində 400 baş heyvan var və onu həbs ediblər. Ağanın saxlandığı kameranın qapısını bağlayıblar. Səhər gələndə görüblər ki, kameranın qapısı açıqdır. Bu, bir neçə gün belə davam edib. Daha sonra nəzarətçi həbsxana rəisinə vəziyyəti danışıb. Hadisə ona da maraqlı gəlib və Ağanın yanına gəlib bunun necə baş verdiyini soruşub. Ağa isə cavabında Allahın məsləhəti belə olduğunu və qapı açıq qalsa da heç yerə qaçmayacağını bildirib. Rəis ondan nə istədiyini soruşanda, o, yalız namaz qılması üçün şərait yaradılmasını istəyib. Bu hadisəni bizə onunla eyni kamerada qalan salyanlı bir nəfər danışıb“.

"Onlardan kimi dindirsək, Ağa haqqında danışa biləcək. Ağamın ən böyük və maraqlı möcüzələrindən biri də 1958-59-cu illərdə Sovet hakimiyyəti tərəfindən qolçomaq kimi həbs olunan zaman başına gələndir. Deməli, onu Xalac stansiyasından qatarla Bakıya gətirmək əmr olunub. Ağa vaqona oturandan sonra nə etsələr də, qatar yerindən tərpənməyib. Ağanı yola salmağa böyük kütlə toplaşıbmış. Qatar nəzarətçisi ilə maşinist qatarın niyə yerindən tərpənmədiyini müzakirə edəndə, kənd camaatı onlara vaqonda ağır seyidin əyləşdiyini və buna görə də qatarın tərpənmədiyini bildiriblər. Onlar Ağanın getməyə könlü olmadığını və onun nə zaman icazəsi olarsa, qatarın onda gedəcəyini bildiriblər. Maşinistlə nəzarətçi Ağanı vaqondan düşürüblər. Lakin bildiriblər ki, bu, onlara tapşırılmış işdir, əgər yerinə yetirməsələr, cəza alacaqlar. Ağa isə qatarın önünə keçərək əsasını astaca ona toxundurub və deyib: "Bu, mənim taleyimdir və mən bu yolu getməliyəm, işlə dəmir parçası”. Sonra o, vaqona minib və qatar yola düşüb”.