Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Miki kənd sakininin arzusunu hərbçilərimiz reallaşdırıb

© Sputnik / Rahim MuradovMiki Sakini Fuad Salayev
Miki Sakini Fuad Salayev - Sputnik Azərbaycan, 1920, 20.10.2021
Xəbərlərə abunə olun
Kənd sakini bildirib ki, yoldaşı 3 dəfə cərrahiyyə əməliyyəti keçirib və hər 3 əməliyyata gedəndə onu kürəyimdə çaydan keçirib.
BAKI, 20 oktyabr - Sputnik. “Mən Miki kənd tam orta məktəbində texnologiya müəllimi işləyirəm. Bundan əvvəl mən çaydan keçəndə əziyyət çəkirdim. Hər dəfə qızımı məktəbə aparanda onu kürəyimə alıb çaydan keçirməli olurdum. Daşqın olanda, ümumiyyətlə çayda su çox olanda zülm çəkirdim. Mən evdə olmayanda da yeganə övladım məktəbə gedə bilmirdi və evdə qalmalı olurdu.
© Sputnik / Rahim MuradovMüdafiə Nazirliyi tərəfindən salınan Aygün körpüsü
Müdafiə Nazirliyi tərəfindən salınan Aygün körpüsü - Sputnik Azərbaycan, 1920, 20.10.2021
Müdafiə Nazirliyi tərəfindən salınan Aygün körpüsü
Bu sözləri Sputnik Azərbaycan-ın müxbirinə müsahibəsində Astara rayonu Miki kənd sakini Fuad Salayev uzun illər üzləşdiyi çətinliklər haqqında danışarkən deyib.

“Mən hətta ev üçün ərzaq daşıyanda da çox əziyyət çəkirdim. Un kisəsini çiynimdə çayın içərisi ilə keçməli olurdum. Mən nəinki övladımı hətta həyat yoldaşımı da kürəyimdə çaydan keçirirdim. Biz ailə quran vaxt yoldaşımda heç bir xəstəlik yox idi. Yoldaşım bir neçə dəfə çaydan keçəndən sonra onda 2-3 xəstəlik yarandı. Yoldaşım 3 dəfə cərrahiyyə əməliyyəti keçirib və hər 3 əməliyyata gedəndə mən onu kürəyimdə çaydan keçirmişəm və qayıdanda da eyni qaydada kürəyimdə çaydan keçirib evə aparmışam”.

© Sputnik / Rahim MuradovMiki Sakini Fuad Salayev
Miki Sakini Fuad Salayev - Sputnik Azərbaycan, 1920, 20.10.2021
Miki Sakini Fuad Salayev
F.Salayev deyir ki, hazırda onun çaydan rahat keçməsi üçün Müdafiə Nazirliyi tərəfindən ucqar daş kəndində çox möhkəm körpü salınıb.

“Mən ilk növbədə ölkə rəhbərliyinə və körpünün qoyulmasında əməyi olan hər kəsə öz təşəkkürümü bildirirəm. Mən çaydan keçmək üçün eni 50-60 sm olan piyada körpüsünün salınmasını istəyirdim. Allah Müdafiə Nazirliyindən razı olsun! Onların mühəndis istehkamçıları tərəfindən uzunluğu 10 metr, eni 4 metr, çəkisi 16 ton və 60 ton ağırlığında yük götürmə qabiliyyəti olan körpü saldılar. 4 nəfəri zabit olmaqla 13 nəfər hərbiçilərimiz bizim ailə üçün körpü saldılar. Onlar dəmir körpünü əraziyə gətirmək üçün çox çətinlik çəkdilər. Texnikanın keçməsi üçün əvvəlcə yol çəkdilər sonra isə körpünü qoydular. Çox sağ olsunlar,mən ən böyük arzularımdan birinə çatdım. Hərbiçilərimiz hətta körpüyə qızımın şərəfində “Aygün körpüsü” adını veriblər. Bununla bərabər ərazidə yol da salındı, mən indi övladımı rahat məktəbə aparıb gətirə bilirəm. Bunda sonra daha ev üstə fikrim qalmaz, övladımın çaydan keçməsi üçün narahat olmaram”

Fuad müəllimin qızı, 7-ci sinif şagirdi Aygün Salayeva da körpünün qoyulmasına görə sevincini ifadə etdi:
© Sputnik / Rahim MuradovFuad Salayev qızı Aygün Salayevanı məktəbdən gətirərkən təzə körpüden istifadə edir
Fuad Salayev qızı Aygün Salayevanı məktəbdən gətirərkən təzə körpüden istifadə edir - Sputnik Azərbaycan, 1920, 20.10.2021
Fuad Salayev qızı Aygün Salayevanı məktəbdən gətirərkən təzə körpüden istifadə edir

“Əvvəllər atam məni məktəbə aparmaq üçün kürəyinə alıb ayaqyalın çaydan keçirirdi. Çayda sel olanda, atam evdə olmayanda evdə qalıb,dərslərimi evdə oxumalı olurdum. İndi çox şükür körpü var, özüm sərbəst məktəbə gedib gəlirəm. Çox sağ olsunlar ki, gəlib körpü qoydular!”

Məlumat üçün bildirək ki, bir neçə həftə öncə sosial şəbəkələrdə Astaranın Miki kənd sakini Fuad Salayevin qızını kürəyində çaydan keçirməklə məktəbə aparması haqda görüntülər yayılmışdı. Artıq Fuad müəllim və ailəsi çaydan rahat keçə biləcəklər.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала