Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Lirənin manata qarşı məzənnəsi tarixi minimumu yeniləyib

© AFP 2021 / YASIN AKGULLirə
Lirə - Sputnik Azərbaycan, 1920, 11.10.2021
Lirənin məzənnəsinin rekord səviyyədə aşağı düşməsinin səbəbi Türkiyə Mərkəzi Bankının uçot dərəcəsini gözlənilmədən 19%-dən 18%-ə endirməsidir.
BAKI, 11 oktyabr — Sputnik. Oktyabrın 11-də Türkiyə lirəsinin Azərbaycan manatına qarşı rəsmi məzənnəsi 0,9% azalaraq 0,1897 manat təşkil edib ki, bu da yeni tarixi minimum sayılır. Bundan əvvəl tarixi minimum cari ilin sentyabrın 30-da qeydə alınmışdı.
Sputnik Azərbaycan APA-ya istinadən xəbər verir ki, 2006-cı ildə Azərbaycanda baş verən denominasiyasından sonra lirə ilk dəfədir sözügedən səviyyəyə enib. Təkcə son bir ayda lirə manata nisbətdə 5,7% dəyər itirib. Qeyd edək ki, indiyədək (denominasiyadan sonra – red.) lirənin manata qarşı ən yüksək dəyəri 2008-ci ilin yanvarın 15-də qeydə alınıb – 0,7363 manat. Son 10 ildə isə lirənin manata qarşı məzənnəsinin pik həddi 2011-ci ilin mayın 19-da qeydə alınıb – 0,5026 manat.
Xatırladaq ki, Türkiyə lirəsinin rekord səviyyələrə enməsi Türkiyə Mərkəzi Bankının uçot dərəcəsini gözlənilmədən (illik inflyasiyanın avqustda yüksək səviyyədə (19,25%) olmasına baxmayaraq) 19%-dən 18%-ə azaltdıqdan sonra baş verib.
Sentyabrın 24-dən sonra lirənin ABŞ dollarına qarşı məzənnəsi də tarixi minimumları yeniləməyə başladı. Türkiyə Mərkəzi Bankının məlumatına görə, hazırda 1 dolların satış qiyməti 8,9142 lirəyə bərabərdir.
Azərbaycan Mərkəzi Bankının rəsmi məzənnəsinə görə, hazırda 1 manat 5,2715 lirəyə bərabərdir.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала