https://sputnik.az/20211011/dsx-ranin-yalanini-tekzib-etdi-serheddimizde-ucuncu-dovletin-quvveleri-hec-vaxt-olmayib--434079786.html

DSX İranın yalanını təkzib etdi: Sərhəddimizdə üçüncü dövlətin qüvvələri heç vaxt olmayıb

DSX İranın yalanını təkzib etdi: Sərhəddimizdə üçüncü dövlətin qüvvələri heç vaxt olmayıb

Sputnik Azərbaycan

Azərbaycan Respublikası ərazisində xaricdən gəlmiş təqfirçilərin fəaliyyət göstərməsi, eləcə də üçüncü ölkələr tərəfindən Azərbaycan əra­zi­sindən İrana qarşı... 11.10.2021, Sputnik Azərbaycan

2021-10-11T11:35+0400

2021-10-11T11:35+0400

2021-10-11T11:35+0400

azərbaycan xəbərləri

iran

dövlət sərhəd xidməti (dsx) sahil mühafizəsinin gəmi inşası və təmiri mərkəzi

dsx

https://cdnn1.img.sputnik.az/img/07e5/03/06/426393947_0:26:1024:602_1920x0_80_0_0_1171a1be3ad699f882045685270439d2.jpg

BAKI, 11 oktyabr — Sputnik. Azərbaycan Dövlət Sərhəd Xidməti (DSX) İran Sərhəd Qoşunlarının Komandanı, general-mayor Əli Qüdərzinin həqiqətə uyğun olmayan açıqlamalarına cavab verib.DSX-nın Mətbuat Mərkəzindən Sputnik Azərbaycan-a verilən məlumatda deyilir: "Son günlərdə İran İslam Respublikasının kütləvi informasiya vasitə­lərində dərc edilmiş müsahibəsində İİR Nizam İntizam Qüvvələrinin Sərhəd Qoşunlarının Komandanı general-mayor Əli Qüdərzi tərəfindən həqiqətə uyğun olmayan açıqlamalar verilmişdir. Dövlət Sərhəd Xidməti rəsmi olaraq bildirir ki, Azərbaycan Respublikasının dövlət sərhədində hər hansı üçüncü dövlətin qüvvələri heç vaxt olmamışdır, hazırda da yoxdur və bundan sonra da olmayacaqdır.Azərbaycan Respublikası ərazisində xaricdən gəlmiş təqfirçilərin fəaliyyət göstərməsi, eləcə də üçüncü ölkələr tərəfindən Azərbaycan əra­zi­sindən İrana qarşı kəşfiyyat məqsədilə istifadə olunması barədə iddialar yalandır və həqiqəti əks etdirmir.Azərbaycan Respublikasının dövlət sərhədlərində, sərhəd mühafizə qu­rumlarında hər hansı xarici dövlətin qüvvələri, mütəxəssisləri mövcud deyildir, Azərbaycan Respublikasının dövlət sərhədlərinin etibarlı müdafiəsi və mühafizəsi üçün ən müasir imkanlara malik olan Dövlət Sərhəd Xid­mətinin xarici qüvvələrin dəstəyinə ehtiyacı yoxdur.Ermənistan ilə dövlət sərhədində Gorus-Qafan yolunun Azərbaycan Respublikası əra­zisindən keçən hissəsində sərhəd və gömrük nəzarətinin tətbiq olunması Azər­baycan Respublikasının suveren hüququdur.Azərbaycan və İran sərhədçiləri arasında mütəmadi olaraq müxtəlif səviyyələrdə işçi görüşlərin keçirilməsinə və məlumat mübadiləsinin aparıl­masına baxmayaraq bu günədək Azərbaycan tərəfinə müsahibədə səslən­dirilənlər haqqında ümumiyyətlə heç bir məlumat verilməmiş, hər hansı fakt təqdim olunmamışdır.Hazırda İran İslam Respublikası ilə dövlət sərhədində əməliyyat şəraiti stabildir və Azərbaycan sər­həd mühafizə orqanlarının tam nəzarəti altındadır. Dövlət sərhədində Azərbaycan Respublikasının dövlət maraqlarına qarşı yönələn istə­nilən təxribatın qarşısı bundan sonra da qətiyyətlə alınacaqdır.Qeyd edilənləri nəzərə alaraq, İİR rəsmilərinə daha məsuliyyətli olmağı tövsiyə edir, onları yalan və böhtan xarakterli məlumatları yaymaqdan çəkinməyə çağırırıq".

2021

xəbərlər

ru_AZ

iran, dövlət sərhəd xidməti (dsx) sahil mühafizəsinin gəmi inşası və təmiri mərkəzi, dsx