https://sputnik.az/20211009/-soyuq-gn-v-ya-payzn-ortasnda-kilmi-yay-shnlri-433608165.html
"Soyuq günəş" və ya payızın ortasında çəkilmiş yay səhnələri
"Soyuq günəş" və ya payızın ortasında çəkilmiş yay səhnələri
Sputnik Azərbaycan
2018-ci ildə lentə alınan filmin qəhrəmanlarının sözlərinə görə, təntənəli açılış mərasimi olacaqdı. Ancaq təqdimata 6 gün qalmış karantin elan olunub. Elə bu... 09.10.2021, Sputnik Azərbaycan
2021-10-09T13:27+0400
2021-10-09T13:27+0400
2021-10-09T14:31+0400
film
mədəniyyət
müsahibə
https://cdnn1.img.sputnik.az/img/07e5/09/0a/427892137_0:0:3073:1728_1920x0_80_0_0_661ecef1cc1afaaa61634cdeaffe69d1.jpg
BAKI, 9 oktyabr — Sputnik. Uzun illər ərzində milli kinomuzda durğunluq yaşansa da, son illər ölkədə kino sahəsində müəyyən irəliləyiş hiss olunur. Sevindiricidir ki, müstəqil filmlərin sayı artır və zaman keçdikcə onlar keyfiyyətcə də yaxşılaşır. Ən başlıcası isə yeni filmlər tamaşaçı marağına səbəb olur, baxılır, sevilir.Belə filmlərdən biri də son vaxtlar "Youtube"-da izləmə rekordu qıran "Soyuq günəş" filmidir. Əsərin ssenari müəllifi Sədaqət Kərimova, quruluşçu rejissoru Elşən Zeynallıdır. Filmin çəkilişləri Qusar rayonunun Həzrə kəndində və Türkiyədə aparılıb. Son zamanlar müzakirə obyekti olan filmin qəhrəmanları Sputnik Azərbaycan-ın qonağı olublar.Söhbətə filmdə "Yarqunat" obrazını canlandırmış İranə Kərimova ilə başladıq. Aktrisanın ən böyük arzusu filmə çəkilmək olub. Filmin kastinqinə dəvət olunan İranə ssenari ilə tanış olduqdan sonra əsərin onun üçün ağır olduğunu bildirib. Filmin ssenarisinə güvənsə də, əsərin bu qədər baxış toplayacağına inanmayıb: "Bu gün də insanlardan mesajlar alıram. Onlar mənimlə talelərini bölüşürlər. Film göstərdi ki, Azərbaycanda nə qədər yarına qovuşmayan, həsrət qalan insanlar var... Düşünürəm ki, insanların bu filmdə özlərini görməsi əsərin uğurudur. Hərdən məni şəhərdə görəndə "O, Yarqunatdakı qızdır?", "Yox, onun burada nə işi var?!" kimi fikirlər söyləyənlər olur".Söhbətə "Yarməd" rolunu oynamış Sənan Kazımovla davam edirik. Sənan da tərəf-müqabili kimi filmin bu qədər seviləcəyinə inanmayıb. Aktyor bildirir ki, adətən aktyorlar filmə ya ssenariyə görə, ya da qonorara görə çəkilirlər. O isə ssenari ilə tanış olduqdan sonra düşünüb ki, burada özünün aktyorluq bacarıqlarını nümayiş etdirə biləcək: "Bir üstünlüyü də var idi ki, mən bu filmlə tarixə düşürəm. Çünki film Azərbaycanda ləzgi xalqı haqqında çəkilmiş ilk filmdir və mən həmin filmdə baş rollardan birinə çəkilirəm. Filmin ssenari müəllifinin özü də ləzgi xalqının nümayəndəsidir. Sədaqət xanım ləzgi xalqının məişəti, mədəniyyəti haqqında hər şeyi bilir. Razılaşdıq və çəkilişlərə başladıq. Çəkiliş vaxtı hiss etdim ki, yaxşı bir şey alınır. Amma filmin bu qədər seviləcəyini gözləmirdim".- Filmin rejissoru siz olsaydınız, əsərin sonunu necə bitirərdiniz?İranə: Yəqin ki, mən də filmin finalını elə eynilə bu cür çəkərdim. Amma bir tamaşaçı kimi mən pis sonluqları sevən tamaşaçı deyiləm. Mən "happy end"ləri sevirəm. Amma bu film xoşbəxt sonluqla bitsəydi, tamaşaçılara bu qədər təsir etməzdi. Bundan əlavə, filmin süjeti real həyat hadisəsindən götürülüb. Bunun sonunu dəyişmək doğru olmazdı.Sənan: Filmin qəhrəmanları qovuşsaydılar, əsər bu qədər uğurlu alınmazdı, bu qədər müzakirə olunmazdı. Yarmədin addımı bu qədər müzakirə olunmazdı. Onlar qovuşsaydılar, əfsanəyə çevrilməzdilər. "Leyli və Məcnun", "Romeo və Cülyetta" necə əfsanəyə çevrilib? Hələ də yaddaşlardadır.Filmdə Yarmədlə Yarqunatın yaşlı obrazını əməkdar artistlər Firəngiz Babayeva və Füzuli Hüseynov canlandırıblar. Filmə tamaşa edənlərin bir qismi sevgililərin yaşlı vaxtını canlandıran aktyorların oyununu bəyənməyiblər. İranə bunun səbəbini belə izah edib: "Mən Yarqunatın yaşlı vaxtını Firəngiz xanımın, Yarmədin yaşlı vaxtını Füzuli müəllimin oynayacağını eşidəndə çox sevindim. Düşündüm ki, filmdə bu insanlar oynayacaqlarsa, deməli, onun uğur qazanmaq ehtimalı böyükdür. Sadəcə tamaşaçılar filmin əvvəlində bizi gördükləri üçün düşünüblər ki, görəsən, qəhrəmanlar sonda qovuşacaqlarmı? Öz xəyallarında onların necə qovuşacağını gözləyiblər. Və filmin sonunda başqa aktyorları gördüklərinə görə ola bilsin ki, xəyal qırıqlığı yaşayıblar. Mən dəfələrlə filmə baxmışam, sevənlərin illər sonra görüşməsi səhnəsinə baxa bilmirəm".Film ilk dəfə ləzgi dilində ekranlara çıxıb. Elə məhz bu səbəbdən tamaşaçıların əksəriyyəti də aktyorların milliyyətcə ləzgi olduğunu ehtimal ediblər. Sənan bildirir ki, filmlə bağlı iradları daha çox Dağıstandan olan tamaşaçılardan alıb: "Film yeni çıxan vaxtlarda daha çox Dağıstandan və Qusardan yazırdılar. Yalnız görüş səhnəsinə irad tuturdular. Ondan başqa irad tutduqları səhnə yox idi".- İstər Azərbaycanda, istərsə də dünyada sevgi mövzusunda film çəkiləndə insanlar həmin obrazı canlandıranlar haqqında şayiələr yayırlar. Siz belə bir situasiya ilə qarşılaşdınızmı?Sənan: Əvvəllər elə bilirdim bu tipli şayiələr, suallar ancaq bizdə olur. Guya, əgər aktyorlar serialda, tamaşada, filmdə tərəf-müqabildirlərsə, onlar 100 faiz sevgilidirlər. Film çıxanda tamaşaçılar soruşurdular ki, siz sevgilisiniz, yoxsa evlisiniz? Biz də cavab verirdik ki, yox, biz ancaq sənət yoldaşıyıq və dostuq. Bu, normaldır. Əsasən yeniyetmələr - 18 yaşından aşağı olan insanlar bu sualı verirlər. O yaşda olan insanlar öz beynində, xəyal dünyasında obrazları elə canlandırırlar. Çünki yaşa dolmuş insanlar anlayırlar ki, bu sadəcə kinodur.- Teatr aktyorları adətən filmdə çəkiləndə müəyyən çətinliklərlə qarşılaşırlar. Siz bu cür problemlə qarşılaşdınızmı?Sənan: Teatrda elədiklərini kinoda edə bilməzsən. Kinonun müəyyən "olmazlar"ı var. Adətən yaşlı teatr aktrisalarında görmüşəm ki, kinoda da teatrdakı kimi oynayırlar. Amma cavan nəsildə belə bir problem görməmişəm.Bəzən filmin özündən çox, onun kadrarxası məqamları tamaşaçıların diqqətini çəkir."Soyuq günəş"in aktyorları filmin kadrarxası məqamlarından söz açdılar. Filmin zərif qəhrəmanını canlandırmış İranə bildirir ki, film oktyabr ayında lentə alınıb, filmdəki hadisələr isə yay aylarında cərəyan edir. Qusarda oktyabr soyuğuna tab gətirə bilməyən aktrisa həmin günləri belə xatırlayır: "Filmdə bir "Nərdivan" səhnəsi var. Mən orada ağlaya-ağlaya sevgilimə deməliyəm ki, "məni Osmana ərə verirlər". Sənanın planı çəkildi, məni çəkəndə Sənan məni güldürdü. Heç cür özümə gələ bilmirdim. Hava da olduqca soyuq idi. Yenə gündüz dözmək olurdu. Gecə ümumiyyətlə dözə bilmirdik".Çəkiliş prosesi Sənan üçün də rahat olmayıb. Sənan deyir ki, hava soyuq olsa da, çalışıb ki, bunu tamaşaçı hiss etməsin: "Texniki heyət qalın paltarda idi, biz isə yay geyimində. Özü də deyirdilər ki, üşüdüyünü hiss elətdirmə. Aktyor əziyyət çəkəndə, tamaşaçı həmin filmdən iyrənir".Filmin ən təsirli səhnələrindən biri də Yarqunatla Yarmədin qaçma səhnəsidir. Sən demə, onlar at belində qaçmalı imişlər. Amma müəyyən səbəblərdən alınmayıb.Sənan: Biz yuxarıda idik, Yarqunatın qardaşı Həmdulla aşağıda. O da atın üstündə idi. Bizim atımız onun atını görüb şahə qalxmaq istəyir. Yenə tək olsaydım, qorxmazdım, amma yanımda İranə var idi deyə qorxdum. Ora da elə yer idi ki, ani bir səhv ucbatından uçuruma yuvarlana bilərdik. Məcbur olub o səhnəni dəyişdik. Bir də kəndin içində çaqqallarla qarşılaşmışdıq. Başqa ekstremal hallar olmadı. Hərdən o kənd üçün çox darıxıram, o günlər üçün. Filmi kənd sakinləri ilə birlikdə çəkdik.Qeyd edək ki, film 2018-ci ildə lentə alınıb. Filmin qəhrəmanlarının sözlərinə görə, təntənəli açılış mərasimi keçirilməli idi. Lakin filmin təqdimatına 6 gün qalmış pandemiya ilə əlaqədar olaraq karantin elan olunub. Elə bu səbəbdən də film geniş tamaşaçı kütləsinə "Youtube" portalında təqdim olunub.
Sputnik Azərbaycan
media@sputniknews.com
+74956456601
MIA „Rossiya Segodnya“
2021
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
film, müsahibə
"Soyuq günəş" və ya payızın ortasında çəkilmiş yay səhnələri
13:27 09.10.2021 (Yenilənib: 14:31 09.10.2021) 2018-ci ildə lentə alınan filmin qəhrəmanlarının sözlərinə görə, təntənəli açılış mərasimi olacaqdı. Ancaq təqdimata 6 gün qalmış karantin elan olunub. Elə bu səbəbdən film "Youtube" portalında izləyicilərə təqdim olunub.
BAKI, 9 oktyabr — Sputnik. Uzun illər ərzində milli kinomuzda durğunluq yaşansa da, son illər ölkədə kino sahəsində müəyyən irəliləyiş hiss olunur. Sevindiricidir ki, müstəqil filmlərin sayı artır və zaman keçdikcə onlar keyfiyyətcə də yaxşılaşır. Ən başlıcası isə yeni filmlər tamaşaçı marağına səbəb olur, baxılır, sevilir.
Belə filmlərdən biri də son vaxtlar "Youtube"-da izləmə rekordu qıran "Soyuq günəş" filmidir. Əsərin ssenari müəllifi
Sədaqət Kərimova, quruluşçu rejissoru
Elşən Zeynallıdır. Filmin çəkilişləri Qusar rayonunun Həzrə kəndində və Türkiyədə aparılıb. Son zamanlar müzakirə obyekti olan filmin qəhrəmanları
Sputnik Azərbaycan-ın qonağı olublar.
Söhbətə filmdə "Yarqunat" obrazını canlandırmış İranə Kərimova ilə başladıq. Aktrisanın ən böyük arzusu filmə çəkilmək olub. Filmin kastinqinə dəvət olunan İranə ssenari ilə tanış olduqdan sonra əsərin onun üçün ağır olduğunu bildirib. Filmin ssenarisinə güvənsə də, əsərin bu qədər baxış toplayacağına inanmayıb: "Bu gün də insanlardan mesajlar alıram. Onlar mənimlə talelərini bölüşürlər. Film göstərdi ki, Azərbaycanda nə qədər yarına qovuşmayan, həsrət qalan insanlar var... Düşünürəm ki, insanların bu filmdə özlərini görməsi əsərin uğurudur. Hərdən məni şəhərdə görəndə "O, Yarqunatdakı qızdır?", "Yox, onun burada nə işi var?!" kimi fikirlər söyləyənlər olur".
Söhbətə "Yarməd" rolunu oynamış Sənan Kazımovla davam edirik. Sənan da tərəf-müqabili kimi filmin bu qədər seviləcəyinə inanmayıb. Aktyor bildirir ki, adətən aktyorlar filmə ya ssenariyə görə, ya da qonorara görə çəkilirlər. O isə ssenari ilə tanış olduqdan sonra düşünüb ki, burada özünün aktyorluq bacarıqlarını nümayiş etdirə biləcək: "Bir üstünlüyü də var idi ki, mən bu filmlə tarixə düşürəm. Çünki film Azərbaycanda ləzgi xalqı haqqında çəkilmiş ilk filmdir və mən həmin filmdə baş rollardan birinə çəkilirəm. Filmin ssenari müəllifinin özü də ləzgi xalqının nümayəndəsidir. Sədaqət xanım ləzgi xalqının məişəti, mədəniyyəti haqqında hər şeyi bilir. Razılaşdıq və çəkilişlərə başladıq. Çəkiliş vaxtı hiss etdim ki, yaxşı bir şey alınır. Amma filmin bu qədər seviləcəyini gözləmirdim".
- Filmin rejissoru siz olsaydınız, əsərin sonunu necə bitirərdiniz?
İranə: Yəqin ki, mən də filmin finalını elə eynilə bu cür çəkərdim. Amma bir tamaşaçı kimi mən pis sonluqları sevən tamaşaçı deyiləm. Mən "happy end"ləri sevirəm. Amma bu film xoşbəxt sonluqla bitsəydi, tamaşaçılara bu qədər təsir etməzdi. Bundan əlavə, filmin süjeti real həyat hadisəsindən götürülüb. Bunun sonunu dəyişmək doğru olmazdı.
Sənan: Filmin qəhrəmanları qovuşsaydılar, əsər bu qədər uğurlu alınmazdı, bu qədər müzakirə olunmazdı. Yarmədin addımı bu qədər müzakirə olunmazdı. Onlar qovuşsaydılar, əfsanəyə çevrilməzdilər. "Leyli və Məcnun", "Romeo və Cülyetta" necə əfsanəyə çevrilib? Hələ də yaddaşlardadır.
Filmdə Yarmədlə Yarqunatın yaşlı obrazını əməkdar artistlər Firəngiz Babayeva və Füzuli Hüseynov canlandırıblar. Filmə tamaşa edənlərin bir qismi sevgililərin yaşlı vaxtını canlandıran aktyorların oyununu bəyənməyiblər. İranə bunun səbəbini belə izah edib: "Mən Yarqunatın yaşlı vaxtını Firəngiz xanımın, Yarmədin yaşlı vaxtını Füzuli müəllimin oynayacağını eşidəndə çox sevindim. Düşündüm ki, filmdə bu insanlar oynayacaqlarsa, deməli, onun uğur qazanmaq ehtimalı böyükdür. Sadəcə tamaşaçılar filmin əvvəlində bizi gördükləri üçün düşünüblər ki, görəsən, qəhrəmanlar sonda qovuşacaqlarmı? Öz xəyallarında onların necə qovuşacağını gözləyiblər. Və filmin sonunda başqa aktyorları gördüklərinə görə ola bilsin ki, xəyal qırıqlığı yaşayıblar. Mən dəfələrlə filmə baxmışam, sevənlərin illər sonra görüşməsi səhnəsinə baxa bilmirəm".
Film ilk dəfə ləzgi dilində ekranlara çıxıb. Elə məhz bu səbəbdən tamaşaçıların əksəriyyəti də aktyorların milliyyətcə ləzgi olduğunu ehtimal ediblər. Sənan bildirir ki, filmlə bağlı iradları daha çox Dağıstandan olan tamaşaçılardan alıb: "Film yeni çıxan vaxtlarda daha çox Dağıstandan və Qusardan yazırdılar. Yalnız görüş səhnəsinə irad tuturdular. Ondan başqa irad tutduqları səhnə yox idi".
- İstər Azərbaycanda, istərsə də dünyada sevgi mövzusunda film çəkiləndə insanlar həmin obrazı canlandıranlar haqqında şayiələr yayırlar. Siz belə bir situasiya ilə qarşılaşdınızmı?
Sənan: Əvvəllər elə bilirdim bu tipli şayiələr, suallar ancaq bizdə olur. Guya, əgər aktyorlar serialda, tamaşada, filmdə tərəf-müqabildirlərsə, onlar 100 faiz sevgilidirlər. Film çıxanda tamaşaçılar soruşurdular ki, siz sevgilisiniz, yoxsa evlisiniz? Biz də cavab verirdik ki, yox, biz ancaq sənət yoldaşıyıq və dostuq. Bu, normaldır. Əsasən yeniyetmələr - 18 yaşından aşağı olan insanlar bu sualı verirlər. O yaşda olan insanlar öz beynində, xəyal dünyasında obrazları elə canlandırırlar. Çünki yaşa dolmuş insanlar anlayırlar ki, bu sadəcə kinodur.
- Teatr aktyorları adətən filmdə çəkiləndə müəyyən çətinliklərlə qarşılaşırlar. Siz bu cür problemlə qarşılaşdınızmı?
Sənan: Teatrda elədiklərini kinoda edə bilməzsən. Kinonun müəyyən "olmazlar"ı var. Adətən yaşlı teatr aktrisalarında görmüşəm ki, kinoda da teatrdakı kimi oynayırlar. Amma cavan nəsildə belə bir problem görməmişəm.
Bəzən filmin özündən çox, onun kadrarxası məqamları tamaşaçıların diqqətini çəkir.
"Soyuq günəş"in aktyorları filmin kadrarxası məqamlarından söz açdılar. Filmin zərif qəhrəmanını canlandırmış İranə bildirir ki, film oktyabr ayında lentə alınıb, filmdəki hadisələr isə yay aylarında cərəyan edir. Qusarda oktyabr soyuğuna tab gətirə bilməyən aktrisa həmin günləri belə xatırlayır: "Filmdə bir "Nərdivan" səhnəsi var. Mən orada ağlaya-ağlaya sevgilimə deməliyəm ki, "məni Osmana ərə verirlər". Sənanın planı çəkildi, məni çəkəndə Sənan məni güldürdü. Heç cür özümə gələ bilmirdim. Hava da olduqca soyuq idi. Yenə gündüz dözmək olurdu. Gecə ümumiyyətlə dözə bilmirdik".
Çəkiliş prosesi Sənan üçün də rahat olmayıb. Sənan deyir ki, hava soyuq olsa da, çalışıb ki, bunu tamaşaçı hiss etməsin: "Texniki heyət qalın paltarda idi, biz isə yay geyimində. Özü də deyirdilər ki, üşüdüyünü hiss elətdirmə. Aktyor əziyyət çəkəndə, tamaşaçı həmin filmdən iyrənir".
Filmin ən təsirli səhnələrindən biri də Yarqunatla Yarmədin qaçma səhnəsidir. Sən demə, onlar at belində qaçmalı imişlər. Amma müəyyən səbəblərdən alınmayıb.
Sənan: Biz yuxarıda idik, Yarqunatın qardaşı Həmdulla aşağıda. O da atın üstündə idi. Bizim atımız onun atını görüb şahə qalxmaq istəyir. Yenə tək olsaydım, qorxmazdım, amma yanımda İranə var idi deyə qorxdum. Ora da elə yer idi ki, ani bir səhv ucbatından uçuruma yuvarlana bilərdik. Məcbur olub o səhnəni dəyişdik. Bir də kəndin içində çaqqallarla qarşılaşmışdıq. Başqa ekstremal hallar olmadı. Hərdən o kənd üçün çox darıxıram, o günlər üçün. Filmi kənd sakinləri ilə birlikdə çəkdik.
Qeyd edək ki, film 2018-ci ildə lentə alınıb. Filmin qəhrəmanlarının sözlərinə görə, təntənəli açılış mərasimi keçirilməli idi. Lakin filmin təqdimatına 6 gün qalmış pandemiya ilə əlaqədar olaraq karantin elan olunub. Elə bu səbəbdən də film geniş tamaşaçı kütləsinə "Youtube" portalında təqdim olunub.
