Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Avstraliyadakı Azərbaycan diasporu bəyanat yayıb

© Sputnik / Mihail Voskresenskiy / Fotobanka keçməkŞuşada Azərbaycan bayrağı
Şuşada Azərbaycan bayrağı - Sputnik Azərbaycan, 1920, 07.10.2021
Soydaşlarımız naziri və digər siyasətçiləri Avstraliyada etnik nifrət aşılayan təxribat xarakterli mövqedən əl çəkməyə çağırıblar.
BAKI, 7 oktyabr — Sputnik. Avstraliya-Azərbaycan Assosiasiyası (AAA) bu ölkənin bəzi siyasətçilərinin Azərbaycan icmasına qarşı ayrı-seçkilik siyasəti yürütməsinə etirazını bildirib.
Diasporla İş üzrə Dövlət Komitəsindən Sputnik Azərbaycan-a verilən məlumata görə, bu barədə Assosiasiyanın sədri Mikayıl Oytanın ölkənin Yeni Cənubi Uels (NSW) inzibati ərazisinin millət vəkili və rabitə naziri Pol Fletçerə ünvanladığı məktubda söz açılıb.
Qeyd edilib ki, dövləti təmsil edən Pol Fletçerin də bu prosesdə fəal iştirak etməsi Azərbaycan icmasını kədərləndirir və məyus edir. Çünki bu, bir tərəfdən federal hökümətin mövqeyi və ölkənin multikultural dəyərləri ilə ziddiyyət təşkil edir, digər tərəfdən isə Azərbaycan və erməni icmaları arasında gərginliyin yaşanması ilə nəticələnir.
Məktubda Ermənistanın 30 ilə yaxın müddət ərzində Azərbaycanın Qarabağ bölgəsini işğal etdiyi, azərbaycanlılara qarşı qanlı etnik təmizləmə siyasəti yürütdüyü, ötən illər ərzində Ermənistanın qanlı münaqişəsi səbəbindən Avstraliyaya miqrasiya edən azərbaycanlıların birtərəfli mövqe sərgiləyən bəzi yerli siyasətçilərin qızışdırıcı mövqeyi nəticəsində burada da rahatlıq tapa bilmədikləri nəzərə çatdırılıb.
Soydaşlarımız naziri və digər siyasətçiləri Avstraliyada etnik nifrət aşılayan təxribat xarakterli mövqedən əl çəkməyə çağırıb, doğma vətənləri hesab etdikləri Avstraliyada bütün icmalara multikultural ruhda yanaşılmasını tələb ediblər.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала