Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Gələn həftədən qeyri-qanuni avtobus və taksilərə qarşı ciddi tədbirlər görüləcək

© Sputnik / Kirill Kallinikov / Fotobanka keçməkMİkroavtobus, arxiv şəkli
Mİkroavtobus, arxiv şəkli - Sputnik Azərbaycan, 1920, 06.10.2021
Qeyri-qanuni daşımalar həyata keçirənlər 2-3 dəfə baha qiymətə aparırlar və sərnişinlərdə belə təsəvvür formalaşır ki, bu qiymət qanuni daşımalara da aiddir.
BAKI, 6 oktyabr — Sputnik. Gələn həftədən etibarən qeyri-qanuni sərnişindaşımalarına qarşı ciddi tədbirlər görüləcək.
Sputnik Azərbaycan xəbər verir ki, bu barədə Dövlət Avtomobil Nəqliyyatı Xidmətinin İctimaiyyətlə əlaqələr sektorunun müdiri Nuridə Allahyarova deyib.
O bildirib ki, qeyri-qanuni daşımalar çox ciddi problem yaradır. Həmin avtobusların sürücüləri Bakı Beynəlxalq Avtovağzal Kompleksinin ətrafında kompakt şəkildə yığılıb oradan sərnişin daşıyırlar. "Şamaxinka" adlanan ərazidən, 3-cü mikrorayon dairəsindən, Lökbatan dairəsindən mikroavtobuslarla müxtəlif istiqamətlərə, regionlara sərnişindaşımaları həyata keçirilir.
"Burada ən böyük problemlərdən biri qiymət artımıdır. Tarif Şurasının müəyyən etdiyi standart qiymətlər var. Bu qiymətlər "avtovağzal.az" saytında da qeyd olunur. Bu qiymətlər sərnişinlərə kassalarda rəsmi qaydada təqdim olunur. Ancaq qeyri-qanuni daşımalar həyata keçirənlər 2-3 dəfə baha qiymətə aparırlar və sərnişinlərdə belə təsəvvür formalaşır ki, bu qiymət qanuni daşımalara da aiddir. Süni qiymət artımı ciddi iqtisadi problemlərə gətirib çıxarır.
Çünki büdcə daxilolmaları və avtovağzallardan gələn sərnişin axını azalır. Qeyri-qanuni daşımalar üçün ödənilən məbləğlər büdcəyə daxil olmur, işbazların cibinə gedir. Qeyri-qanuni daşımalar vergidən yayınmaq, qanuni sahibkarın haqqına girmək deməkdir", - deyə N.Allahyarova vurğulayıb.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала