Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Azərbaycanın xalq artisti Gəncədə dəfn edildi

© Photo : From personal archives Vaqif ShirinovVaqif Şərifov
Vaqif Şərifov - Sputnik Azərbaycan, 1920, 05.10.2021
Xalq artisti bir neçə gün öncə səhhətində ciddi problem yarandığı üçün Gəncə şəhər 3 saylı xəstəxananın reanimasiya şöbəsinə yerləşdirilmişdi.
BAKI, 5 oktyabr - Sputnik. Xalq artisti Vaqif Şərifov Gəncə şəhər Fəxri xiyabanında dəfn edilib. Sputnik Azərbaycan xəbər verir ki, mərasimdə mərhumun ailə üzvləri, incəsənət xadimləri, şəhər ictimaiyyəti və tanınmış aktyorlar iştirak ediblər.
Xatırladaq ki, Xalq artisti 78 yaşında vəfat edib. Bir neçə gün əvvəl V.Şərifovun ürəyində problem yaranıb və o, Gəncə şəhər 3 saylı xəstəxananın reanimasiya şöbəsinə yerləşdirilib.
Vaqif Şərifov 12 avqust 1943-cü ildə Gəncədə anadan olub. 1960-cı ildən teatrda əmək fəaliyyətinə başlayıb. 1967-ci ildə Azərbaycan Dövlət İncəsənət İnstitutunun Rejissorluq fakültəsini bitirib. 1967-1974-cü illərdə Gəncə Dövlət Dram Teatrında rejissor, 1974-1977-ci illərdə Sumqayıt Dövlət Dram Teatrında baş rejissor, 1977-1981-ci illərdə Ağdam Dövlət Dram Teatrında baş rejissor, 1981-1984-cü illərdə yenidən Gəncə Dövlət Dram Teatrında quruluşçu rejissor, 1984-cü ildən 1998-ci ilədək həmin teatrda direktor və bədii rəhbər vəzifəsində çalışıb.
Müxtəlif illərdə Nazim Hikmətin "Domokl qılıncı", Hüseyn Cavidin "Maral", Cəfər Cabbarlının "Almaz", "Yaşar", A.Baranqanın "İctimai rəy", Y.Saloviçin "Qəribə dilənçi", Anarın "Şəhərin yay günləri", Elçinin "Qatil", Süleyman Sani Axundovun "Eşq və intiqam", İsmayıl Şıxlının "Dəli Kür", Orxan Kamalın "Yad qızı", Nüşabə Məmmədlinin "Unutmaq istəyirəm", Sahib İbrahimlinin "Sadığın toyu" və s. pyeslərə quruluşlar verərək, ümumilikdə 120-dən artıq tamaşaya səhnə həyatı bəxş edib.
Görkəmli sənətkar "Qanun dəllalı" (Mirzə Məhəmməd Axundzadə) tamaşasının quruluşuna görə Azərbaycan Teatr Xadimləri İttifaqının təsis etdiyi "Qızıl dərviş" mükafatını qazanıb. 1992-ci ildə respublikanın Əməkdar incəsənət xadimi və 2014-cü ildə Xalq artisti fəxri adlarına layiq görülüb.
***
Azərbaycanın xalq artisti vəfat edib
Gəncə Dövlət Dram Teatrının rejissoru, Xalq artisti, Prezidentin fərdi təqaüdçüsü Vaqif Şərifov vəfat edib.
Sputnik Azərbaycan xəbər verir ki, bu barədə məlumatı Gəncə Dövlət Kukla Teatrının direktoru Fərmayıl Paşayev yayıb.
Xalq artisti bir neçə gün öncə səhhətində ciddi problem yarandığı üçün Gəncə şəhər 3 saylı xəstəxananın reanimasiya şöbəsinə yerləşdirilmişdi.
Allah rəhmət eləsin!
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала