Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Əliyev və Putin Tacikistan lideri ilə danışdılar

© Official website of President of Azerbaijan RepublicAzərbaycan və Tacikistan prezidentləri İlham Əliyev və Emoməli Rəhmon. Bakı, 10 avqust 2018-ci il
Azərbaycan və Tacikistan prezidentləri İlham Əliyev və Emoməli Rəhmon. Bakı, 10 avqust 2018-ci il - Sputnik Azərbaycan, 1920, 05.10.2021
İlham Əliyev Tacikistan liderini təbrik edib, Vladimir Putin isə onunla Əfqanıstandakı vəziyyət barədə fikir mübadiləsi aparıb.
BAKI, 5 oktyabr — Sputnik. Oktyabrın 5-də Azərbaycan Respublikasının Prezidenti İlham Əliyev Tacikistan Respublikasının Prezidenti Emoməli Rəhmona telefonla zəng edib. Sputnik Azərbaycan xəbər verir ki, bu barədə məlumatı Prezidentin mətbuat xidməti yayıb.
Dövlət başçısı Emoməli Rəhmonu ad günü münasibətilə təbrik edib, ona möhkəm cansağlığı və ölkənin inkişafı naminə fəaliyyətində uğurlar arzulayıb.
Tacikistan Prezidenti göstərilən diqqətə və təbrikə görə minnətdarlığını bildirib.
Dövlət başçıları Azərbaycanla Tacikistan arasında ikitərəfli münasibətlərin uğurlu inkişafından məmnunluq ifadə edib, əməkdaşlığımızın bundan sonra da möhkəmlənəcəyinə əmin olduqlarını bildirib, əlaqələrimizin perspektivləri barədə fikir mübadiləsi aparıblar.
Qeyd edək ki, bu gün Rusiya Prezidenti Vladimir Putin tacikistanlı həmkarı Emoməli Rəhmonla Əfqanıstandakı vəziyyəti müzakirə edib. Sputnik Azərbaycan xəbər verir ki, bu barədə məlumatı Kremlin mətbuat xidməti yayıb.
Bildirilir ki, telefon danışığı zamanı Vladimir Putin tacik həmkarını ad günü münasibətilə təbrik edib. Qeyd olunur ki, prezidentlər Rusiya-Tacikistan strateji tərəfdaşlıq və müttəfiqlik əlaqələrini hərtərəfli gücləndirmək üçün qarşılıqlı mövqelərini bir daha təsdiq ediblər.
Putin və Rəhmon eyni zamanda Əfqanıstanda son baş verənləri müzakirə ediblər.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала