Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Turizm zərflərinin satışı üzrə öhdəliklər məcburi qaydada sığortalanacaq

© Sputnik / Murad OrujovBakıda suvenir mağazasında turistlər, arxiv şəkli
Bakıda suvenir mağazasında turistlər, arxiv şəkli - Sputnik Azərbaycan, 1920, 04.10.2021
Abunə olmaq
Turoperator və ya turagentlər tərəfindən turizm zərflərinin satışı üzrə müqavilədə nəzərdə tutulan öhdəliklərin (risklərin) məcburi qaydada sığortalanması istehlakçılara dəyən zərərin kompensasiya edilməsini təmin edəcək.
BAKI, 4 oktyabr — Sputnik. Azərbaycanda fəaliyyət göstərən turoperator və turagentlər üçün mülki məsuliyyət sığortası müəyyən ediləcək.
Sputnik Azərbaycan-ın APA-ya istinadən xəbərinə görə, bu, Milli Məclisin payız sessiyasının qanunvericilik işləri planına daxil edilən "Turizm haqqında" qanun layihəsinin ilkin versiyasında əksini tapıb.
Qanun layihəsində qeyd edilib ki, turizm sahəsində lisenziyalaşmanın ləğvindən sonra bazarda qeyri-peşəkar turizm şirkətlərinin sayı artıb, bu isə istehlakçıların aldadılması, turizm məhsulunun təqdim edilməsi üzrə müqavilədə nəzərdə tutulan xidmətlərin göstərilməməsi və ya daha aşağı keyfiyyətli xidmətlərin təqdim edilməsi hallarının geniş vüsət almasına səbəb olub.
Turoperator və ya turagentlər tərəfindən turizm zərflərinin satışı üzrə müqavilədə nəzərdə tutulan öhdəliklərin (risklərin) məcburi qaydada sığortalanması istehlakçılara dəyən zərərin kompensasiya edilməsini təmin edəcək. Bundan əlavə, turizm zərfləri sığorta edilərkən turizm şirkətlərinin mövcud vəziyyətinin təhlil edildiyini, sığortaçılar tərəfindən qeyri-peşəkar, etibarsız şirkətlərin məhsullarının sığortalanmasından imtina ediləcəyini nəzərə alsaq, təklif edilən mexanizmin bazarda sağlam şirkətlərin rəqabət aparmasına şərait yaradacağı proqnozlaşdırılır.
Xəbər lenti
0