https://sputnik.az/20211001/filoqrafiyani-biznese-cheviren-azerbaycanli-433675118.html
Pandemiyadan dərs çıxaran azərbaycanlı - hobbidən pul qazanır
Pandemiyadan dərs çıxaran azərbaycanlı - hobbidən pul qazanır
Sputnik Azərbaycan
Çəkic, mismar və rəngli iplərdən tabloların hazırlanmasını özündə ehtiva edən bu sənət Mərkəzi Asiyada yaransa da, sonradan bütün dünyaya yayılıb. 01.10.2021, Sputnik Azərbaycan
2021-10-01T08:50+0400
2021-10-01T08:50+0400
2021-10-01T15:08+0400
mədəniyyət
rəssam
rəsm
ip
tablo
https://cdnn1.img.sputnik.az/img/07e5/09/1e/433676404_361:0:3639:1844_1920x0_80_0_0_c8a6331846561e17e6797ba27147c11d.jpg
BAKI, 1 oktyabr – Sputnik. Koronavirus pandemiyası dünyada çox insanı gəlirdən məhrum etsə də, bəzilərinə özlərində yeni bacarıqlar kəşf etmək imkanı yaratdı. Zaqatala sakini Sərvin Yahyayev mismar və rəngli iplərdən üçölçülü tablolar hazırlayır. İyirmi iki yaşlı Sərvin Sputnik Azərbaycan-ın müxbirinə bildirib ki, incəsənətin nadir növlərindən olan strinq-arta marağı məhz pandemiya dövründə yaranıb. Çəkic, mismar və rəngli iplərdən tabloların hazırlanmasını özündə ehtiva edən bu sənət Mərkəzi Asiyada yaransa da, sonradan bütün dünyaya yayılıb. Lakin böyük həvəs və səbr tələb etdiyindən maraq dairəsindən kənarda qalıb. Orta təhsili olan Sərvini bu istiqamətə yönəldən isə sosial şəbəkələrdəki videolar olub.“Pandemiya dövründə sosial şəbəkələrdə videolara baxırdım. Təsadüfən strinq-art ilə bağlı videolara rast gəldim. Marağımı cəlb etdiyi üçün yoxladım və gördüm ki, məndə alınır. Düzəltdiklərimi qohumlarıma, yaxınlarıma hədiyyə elədim, bəyəndilər. Sonra da sifarişlər gəlməyə başladı. Özüm sosial şəbəkələrin aktiv istifadəçisiyəm. Hazırda sosial şəbəkə vasitəsi ilə sifarişlər alır və onları çatdırıram”, - Sərvin deyir.Cəmi bir neçə ay ərzində sənətin incəliklərinə yiyələnən Sərvin artıq şifarişləri tamamlamaqda çətinlik çəkir:“Sifariş çoxdur. Tabloda olacaq şəkli sifariş edən də göndərə bilər, özüm də hazırlaya bilərəm. Özüm işləyəndə internet üzərindən şəkli seçib çəkirəm. Qalınlığı 1-1,2 sm olan taxtalar seçərək üzərini vinilləyirəm. Sonra isə şəkli taxtanın üstünə vururam. Şəkillərdən özüm çəkdiyim də olur, printerdən çıxardıqlarım da”.Sərvin Yahyayev deyir ki, strinq-art ilk baxışdan sadə görünsə də, çox çətin, diqqət tələb edən sənətdir. Çünki istədiyin formanı alındıra bilmək üçün mismarların vurulma yerləri və dərinlikləri düzgün seçilməlidir.“Mismarların ölçüləri var. 3D görüntü alındırmaq üçün mismarlar səthdən 7 mm hündürdə qalmalıdır. Nə az vurmaq olar, nə də çox”, - deyən Sərvin bir əsəri tamamlamaq üçün ona 10-15 gün vaxt lazım olduğunu bildirir. - Elə şəkillər var ki, az mismar gedir. Elə tablo da var ki, 950-dən çox mismar sərf edilib. Onun üzərində 12 gün işləmişəm, amma hələ də yarımçıqdır. 200 mismar işlənənlər isə 3-4 günə ərsəyə gəlib”.3D tabloların qiyməti ölçüsündən asılı olaraq 20 - 300 manat arasında dəyişir. İşlənən mismarların sayı da qiymətə təsir edən amillərdəndir. Sərvinin növbəti hədəfi yaxın vaxtlarda əl işlərini hazırlamaq üçün geniş emalatxana açmaq və əsərlərinin sərgisini təşkil etməkdir.
Sputnik Azərbaycan
media@sputniknews.com
+74956456601
MIA „Rossiya Segodnya“
2021
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
rəssam, rəsm, ip, tablo
Pandemiyadan dərs çıxaran azərbaycanlı - hobbidən pul qazanır
08:50 01.10.2021 (Yenilənib: 15:08 01.10.2021) Çəkic, mismar və rəngli iplərdən tabloların hazırlanmasını özündə ehtiva edən bu sənət Mərkəzi Asiyada yaransa da, sonradan bütün dünyaya yayılıb.
BAKI, 1 oktyabr – Sputnik. Koronavirus pandemiyası dünyada çox insanı gəlirdən məhrum etsə də, bəzilərinə özlərində yeni bacarıqlar kəşf etmək imkanı yaratdı. Zaqatala sakini
Sərvin Yahyayev mismar və rəngli iplərdən üçölçülü tablolar hazırlayır. İyirmi iki yaşlı Sərvin
Sputnik Azərbaycan-ın müxbirinə bildirib ki, incəsənətin nadir növlərindən olan strinq-arta marağı məhz pandemiya dövründə yaranıb.
Çəkic, mismar və rəngli iplərdən tabloların hazırlanmasını özündə ehtiva edən bu sənət Mərkəzi Asiyada yaransa da, sonradan bütün dünyaya yayılıb. Lakin böyük həvəs və səbr tələb etdiyindən maraq dairəsindən kənarda qalıb. Orta təhsili olan Sərvini bu istiqamətə yönəldən isə sosial şəbəkələrdəki videolar olub.
“Pandemiya dövründə sosial şəbəkələrdə videolara baxırdım. Təsadüfən strinq-art ilə bağlı videolara rast gəldim. Marağımı cəlb etdiyi üçün yoxladım və gördüm ki, məndə alınır. Düzəltdiklərimi qohumlarıma, yaxınlarıma hədiyyə elədim, bəyəndilər. Sonra da sifarişlər gəlməyə başladı. Özüm sosial şəbəkələrin aktiv istifadəçisiyəm. Hazırda sosial şəbəkə vasitəsi ilə sifarişlər alır və onları çatdırıram”, - Sərvin deyir.
Cəmi bir neçə ay ərzində sənətin incəliklərinə yiyələnən Sərvin artıq şifarişləri tamamlamaqda çətinlik çəkir:
“Sifariş çoxdur. Tabloda olacaq şəkli sifariş edən də göndərə bilər, özüm də hazırlaya bilərəm. Özüm işləyəndə internet üzərindən şəkli seçib çəkirəm. Qalınlığı 1-1,2 sm olan taxtalar seçərək üzərini vinilləyirəm. Sonra isə şəkli taxtanın üstünə vururam. Şəkillərdən özüm çəkdiyim də olur, printerdən çıxardıqlarım da”.
Sərvin Yahyayev deyir ki, strinq-art ilk baxışdan sadə görünsə də, çox çətin, diqqət tələb edən sənətdir. Çünki istədiyin formanı alındıra bilmək üçün mismarların vurulma yerləri və dərinlikləri düzgün seçilməlidir.
“Mismarların ölçüləri var. 3D görüntü alındırmaq üçün mismarlar səthdən 7 mm hündürdə qalmalıdır. Nə az vurmaq olar, nə də çox”, - deyən Sərvin bir əsəri tamamlamaq üçün ona 10-15 gün vaxt lazım olduğunu bildirir. - Elə şəkillər var ki, az mismar gedir. Elə tablo da var ki, 950-dən çox mismar sərf edilib. Onun üzərində 12 gün işləmişəm, amma hələ də yarımçıqdır. 200 mismar işlənənlər isə 3-4 günə ərsəyə gəlib”.
3D tabloların qiyməti ölçüsündən asılı olaraq 20 - 300 manat arasında dəyişir. İşlənən mismarların sayı da qiymətə təsir edən amillərdəndir. Sərvinin növbəti hədəfi yaxın vaxtlarda əl işlərini hazırlamaq üçün geniş emalatxana açmaq və əsərlərinin sərgisini təşkil etməkdir.
