Ölkədə dəmir yolu ilə müntəzəm sərnişin daşımaları bərpa edilir

© Official website of President of Azerbaijan RepublicОткрытие железнодорожного вокзала в Габале и однолинейной железной дороги ст. Ляки-Габала
Открытие железнодорожного вокзала в Габале и однолинейной железной дороги ст. Ляки-Габала - Sputnik Azərbaycan, 1920, 24.09.2021
Bakı və Sumqayıt şəhərləri, Abşeron rayonu arasında müntəzəm sərnişindaşıma istisna olmaqla, ölkənin şəhər və rayonlarından dəmir yolu nəqliyyatı və avtomobil nəqliyyatı ilə müntəzəm sərnişin daşımaları həyata keçiriləcək.
BAKI, 24 sentyabr - Sputnik. Ölkədə oktyabrın 1-dən etibarən şəhər və rayonlar arası müntəzəm sərnişin daşımaları həyata keçiriləcək. Eyni zamanda dəmir yolları vasitəsilə sərnişindaşımaya qoyulan qadağa da aradan qaldırılıb. 
Sputnik Azərbaycan xəbər verir ki, Nazirlər Kabineti yanında Operativ Qərargah ölkə üzrə peyvənd olunan vətəndaşların sayının artması və eyni zamanda yoluxma hallarının dinamikasının davamlı şəkildə azalması nəzərə alınaraq, xüsusi karantin rejimi çərçivəsində yumşalma tədbirlərinin növbəti mərhələsinin tətbiqi ilə bağlı qərar qəbul edilib.
Qərara əsasən, Bakı və Sumqayıt şəhərləri, Abşeron rayonu arasında müntəzəm sərnişindaşıma istisna olmaqla, ölkənin şəhər və rayonlarından dəmir yolu nəqliyyatı və avtomobil nəqliyyatı ilə müntəzəm sərnişin daşımaları (taksi minik avtomobilləri ilə sərnişin daşımaları istisna olmaqla) həyata keçiriləcək.
Bu zaman yaşı 18-dən aşağı olan şəxslər istisna olmaqla, sərnişinlərdən 2021-ci il 1 oktyabr tarixindən etibarən COVID-19-a qarşı birinci doza, 2021-ci il 1 noyabr tarixindən etibarən isə ikinci doza peyvənd olunması və ya COVID-19-a qarşı immunitet sertifikatının olması tələb olunur.
Həmçinin oxuyun: 
* Oktyabrın 1-dən Azərbaycanda xüsusi karantin rejimi yumşaldılacaq
* Oktyabrın 1-dən həftəsonu ictimai nəqliyyata qoyulan qadağa ləğv edilir
* Teatr və kinoteatrların fəaliyyəti bərpa edilir - Operativ Qərargah qərar verdi
 
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала