Xəzəri çirkləndirən "Üç qardaş"a sanksiya

© Sputnik / Murad OrujovHövsanda çirkli ərazi
Hövsanda çirkli ərazi - Sputnik Azərbaycan, 1920, 23.09.2021
Faktlarla bağlı təqsirkar şəxslər barəsində qanunamüvafiq tədbirlər görülüb və nöqsanların aradan qaldırılması üçün məcburi göstərişlər verilib.
BAKI, 23 sentyabr — Sputnik. Xəzəri çirkləndirən istirahət mərkəzlərinin sahibləri cəzalandırılıb. Xəzər Kompleks Ekoloji Monitorinq İdarəsinin rəisi Nazim Mahmudov Sputnik Azərbaycan-a bildirib ki, Xəzərin sahil zolağında fəaliyyət göstərən istirahət mərkəzlərindən dənizə axıdılan tullantı sularının müəyyən olunması məqsədilə Xəzər Kompleks Ekoloji Monitorinq İdarəsinin əməkdaşları tərəfindən keçirilən monitorinqlərin nəticələrinə əsasən Dövlət Ekoloji Təhlükəsizlik Xidməti tərəfindən araşdırma aparılıb.
Monitorinqlər zamanı Xaçmaz rayonunun sahil zolağında fəaliyyət göstərən "Bulaq" və "Üç Qardaş" istirahət mərkəzlərindən tullantı sularının təmizlənmədən Xəzərə axıdıldığı müəyyən edilib.
"Eyni zamanda, "Rüfət", "Dostluq", "El-Faro", "Üç Qardaş", "Yaşıl Ada" ictimai-iaşə obyektlərində və vətəndaş Yusif Abdullayevə məxsus kafedə məişət tullantılarının qalaqlanması faktları aşkar olunub. Faktlarla bağlı təqsirkar şəxslər barəsində qanunamüvafiq tədbirlər görülüb və nöqsanların aradan qaldırılması üçün məcburi göstərişlər verilib", - idarə rəsmisi qeyd edib.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала