https://sputnik.az/20210922/agirdlrin-yani-itiraknn-knlllk-sasnda-olmas-tlbi-lv-olunub-427986018.html

Şagirdlərin əyani iştirakının könüllülük əsasında olması tələbi ləğv olunub

Şagirdlərin əyani iştirakının könüllülük əsasında olması tələbi ləğv olunub

Sputnik Azərbaycan

Təhsil müəssisələrinə giriş və çıxış üzrə tələblər də dəyişib. Dəyişikliyə əsasən, 1,5 metr məsafə tələbi 1 metrə endirilib. 22.09.2021, Sputnik Azərbaycan

2021-09-22T12:56+0400

2021-09-22T12:56+0400

2021-11-17T00:05+0400

xəbərlər

cəmiyyət

elm

məktəb

şagird

azərbaycan

https://cdnn1.img.sputnik.az/img/07e5/09/16/427982979_0:0:3072:1736_1920x0_80_0_0_d905d104f8709fa40df348b02e2b2e7c.jpg

BAKI, 22 sentyabr — Sputnik. Məktəblərdə tədris prosesində şagirdlərin əyani iştirakının könüllülük prinsipi əsasında olması tələbi ləğv olunub. Sputnik Azərbaycan xəbər verir ki, bu, Baş nazir Əli Əsədovun imzaladığı "Xüsusi karantin rejimi dövründə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkili ilə bağlı əlavə tədbirlər barədə" 2021-ci il 22 yanvar tarixli 12 nömrəli qərarının ləğv edilməsi haqqında qərarda əksini tapıb.Daha bir ləğv olunan qərar təhsil müəssisələrində əyani formada tədrisin təşkili müəssisələrin tipi (növü), təhsil alanların sayı, qalanların günü uzadılmış qruplarda təhsil alanların sayı, sinif (qrup) komplektlərinin, tədris otaqlarının, laboratoriyaların, tədris-istehsalat emalatxanalarının, kitabxanaların, yataqxanaların, yeməkxanaların tutumu, təhsil verənlərin yaş bölgüsü və digər məsələlərdə xüsusi karantin rejiminin tələbləri nəzərə alınaraq planlaşdırılmasıdır. Eyni zamanda təhsil müəssisəsində növbəli iş rejimi müəssisənin tutumu və mövcud təhsil alanların sayı əsasında təhsil müəssisəsi tərəfindən müəyyən edilməsi ləğv olunan qərarlar sırasındadır.Qeyd edək ki, övladını məktəbə göndərmək istəməyən valideynlər iki halda iltizam ərizəsi yazacaqlar. Birinci hal yoluxma sayının yüksək olduğu zonaya görə olacaq. Həmin zonada yaşayan valideynlər ərizə yazaraq övladını məktəbə göndərməyə bilər. İkinci halda isə evlərində koronavirus xəstəsi olan, yaxud hər hansı respirator virus infeksiyası olan valideynlər övladını məktəbə göndərməməlidir. Eləcə də xəstəlik barədə məktəb rəhbərliyinə məlumat verməlidir.Xatırladaq ki, pandemiya şəraitində ötən tədris ilində valideynlərin övladlarını məktəbə göndərməməsi məsələsi könüllü idi.Təhsil müəssisələrinə giriş və çıxış üzrə tələblər dəyişibQüvvədə olan qərara əsasən, təhsil müəssisələrinə giriş və çıxış zamanı şəxslər (təhsil alanlar, təhsil verənlər və s.) arasında minimum 1,5 metr sosial məsafə təmin olunmalı və bu məqsədlə təhsil müəssisəsinin girişindəki meydançanın yeri döşəmə işarələri ilə işarələnməli, müəllim otağında, kafedrada və digər heyətin iş və istirahət otaqlarında sosial məsafə (ən az 1,5 metr) gözlənilməli idi.Dəyişikliyə əsasən, 1,5 metr məsafə tələbi 1 metrə endirilib.Beləliklə, təhsil müəssisələrinə giriş və çıxış zamanı şəxslər (təhsil alanlar, təhsil verənlər və s.) arasında minimum 1 metr sosial məsafə təmin olunmalı v bu məqsədlə təhsil müəssisəsinin girişindəki meydançanın yeri döşəmə işarələri ilə işarələnməli, müəllim otağında, kafedrada və digər heyətin iş və istirahət otaqlarında sosial məsafə (ən az 1 metr) gözlənilməlidir.

2021

xəbərlər

ru_AZ

xəbərlər, məktəb, şagird, azərbaycan