Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Maştağada təkrar saxta vaksin olayı

© AP Photo / Andrew MedichiniQR код
QR код - Sputnik Azərbaycan, 1920, 21.09.2021
Hazırda cinayət əməllərinin törədilməsində hər hansı formada iştirak edən şəxslərin müəyyən edilərək məsuliyyətə cəlb edilməsi istiqamətində istintaq hərəkətləri davam etdirilir.
BAKI, 21 sentyabr — Sputnik. Maştağa qəsəbəsində yerləşən “7 №-li Birləşmiş Şəhər Xəstəxanası” PHŞ-də COVID-19 əleyhinə aparılan vaksinasiya prosesi zamanı qanunsuzluqlara yol verilməsi barədə məlumat daxil olub.
Sputnik Azərbaycan-a Baş prokurorluqdan verilən məlumata görə, Sabunçu rayon Prokurorluğunda araşdırma aparılıb və qeyd olunan xəstəxananın vəzifəli şəxslərinin öz səlahiyyətlərindən sui-istifadə edərək bir neçə şəxsə vaksin vurulmadığı halda vaksin olunmaları ilə bağlı rəsmi sənədlərə müvafiq qeydlər etməklə həmin məlumatların elektron məlumat bazasına yerləşdirmələri müəyyən edilib. Faktla bağlı Sabunçu rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.
Hazırda cinayət əməllərinin törədilməsində hər hansı formada iştirak edən şəxslərin müəyyən edilərək məsuliyyətə cəlb edilməsi istiqamətində istintaq hərəkətləri davam etdirilir.
Xatırladaq ki, ötən ayın 23-də adıçəkilən xəstəxanada saxta vaksin pasportunun verilməsi aşkarlanıb. Müəyyən olunub ki, tibb bacısı S.Mahmudova və A.Bağırova hər doza vaksin üçün 50-100 manat müqabilində ayrı-ayrı vətəndaşlar barədə guya onların vaksin olunmalarını özundə əks etdirən saxta məlumatları “e-TƏBİB” elektron qeydiyyat sisteminə daxil ediblər. Bununla da həmin şəxslər pul aldığı vətəndaşlara peyvənd olunmadan onlara vaksin vurulduğu barədə saxta sənədlər təqdim ediblər.
Qeyd edilən faktlarla bağlı Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsində istintaq araşdırmalar aparılıb. İş üzrə əhəmiyyət kəsb edən halların, göstərilən qanun pozuntularında hər hansı formada iştirak etmiş digər şəxslərin müəyyənləşdirilməsi istiqamətində əməliyyat-istintaq tədbirləri davam etdirilir.
Bundan əlavə, qeyd edək ki, saxta vaksin verənlərin son aqibəti necə olub, onlardan neçəsi həbs olunub, neçəsi işdən uzaqlaşdırılıb, ümumilikdə bu kimi halların sayı nə qədər olub, bu və bu kimi bir çox suallarla bağlı Baş Prokurorluğa sorğu ünvanlasaq da, sorğumuz cavabsız qalıb.
Eləcə də oxuyun: 
Ölkə xaricində yaşayanlar da Azərbaycandan saxta vaksin sənədi alıb
Nazirlik rəsmisi saxta vaksin sertifikatı alanların cəzalanmasını istədi
Vaksin qorxusu ilə necə mübarizə aparmalı? - Psixoloq məsləhəti
Bakıda əlbir olan həkimlərin cinayəti üzə çıxdı
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала