https://sputnik.az/20210921/irandan-azerbaycana-getirilen-kartofda-zerervericiler-ahskarlanib-427975743.html

İrandan Azərbaycana gətirilən kartofda zərərvericilər aşkarlanıb

İrandan Azərbaycana gətirilən kartofda zərərvericilər aşkarlanıb

Sputnik Azərbaycan

Belə zərərli orqanizmlər kütləvi yayıldıqda sahədə və ya çardaq altında müvəqqəti saxlanılan kartof məhsulunu 2-3 həftə ərzində tamamilə məhv edə bilir. 21.09.2021, Sputnik Azərbaycan

2021-09-21T13:24+0400

2021-09-21T13:24+0400

2021-11-17T00:05+0400

xəbərlər

cəmiyyət

iqtisadiyyat

iran

kartof

təhlükəli zərərverici

aqta

azərbaycan

https://cdnn1.img.sputnik.az/img/07e5/01/14/426005758_0:0:3076:1731_1920x0_80_0_0_77ee2acc198b3314cd3dc57c531f2031.jpg

BAKI, 21 sentyabr — Sputnik. İrandan fiziki şəxs Yalçın Nemət Oqtay oğlu tərəfindən сari ilin 6 və 10 sentyabr tarixlərində idxal edilən, ümumi çəkisi 47600 kq, hüquqi şəxs "Salamoğlu-2020" MMC tərəfindən isə 7, 8 və 14 sentyabr tarixlərində idxal edilən ümumi çəkisi 70800 kq olan ərzaqlıq kartof məhsul partiyalarına Azərbaycan Qida Təhlükəsizliyi Agentliyinin müfəttişləri baxış keçiriblər.Agentlikdən Sputnik Azərbaycan-a verilən məlumata görə, baxış zamanı idxal olunan məhsuldan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub. Nümunələrin götürülməsi prosesində yük sahibinin və onun səlahiyyətli nümayəndəsinin iştirakı təmin edilib və ekspertiza keçirilənə qədər məhsul partiyasının toxunulmazlığı ilə bağlı xəbərdarlıq olunaraq onların bu barədə iltizamı alınıb.Aparılmış ekspertizanın nəticələrinə əsasən, qeyd edilən beş idxal partiyasının hər birində ölkə üçün potensial təhlükə törədə bilən karantin tətbiq edilmiş zərərverici (Phthorimaea operculella – kartof güvəsi tırtıl mərhələsində) aşkar edilib.Karantin tətbiq edilmiş bu cür zərərli orqanizmlər ətraf mühitə, ölkənin iqtisadi potensialına təhlükə yaradır. Belə ki, kartof güvəsi kartof məhsuluna ziyan vuraraq onu tez bir zamanda xarab etməklə yanaşı, həmin xəstəliyin ölkə ərazisində yayılmasına və digər təsərrüfatlarda da böyük iqtisadi zərərlərin meydana gəlməsinə gətirib çıxara bilər. Belə zərərli orqanizmlər kütləvi yayıldıqda sahədə və ya çardaq altında müvəqqəti saxlanılan kartof məhsulunu 2-3 həftə ərzində tamamilə məhv edə bilir.Qanunvericiliyə əsasən, hər hansı məhsul partiyasının zərərli orqanizmlərlə sirayətlənməsi müəyyən edildiyi halda həmin məhsul partiyasının məhv edilməsi və ya zərərsizləşdirilməsi zəruridir. Həmçinin müvafiq qanunvericiliyə görə, karantin tətbiq edilən zərərli orqanizmlərin yayılmasının qarşısını almaq və ya məhdudlaşdırmaq üçün lazımi fitosanitar tədbirlərin yerinə yetirilməsi hüquqi və fiziki şəxslərin fitosanitar nəzarəti sahəsində başlıca vəzifə və öhdəliklərindəndir. Lakin ekspertizanın nəticələrinə əsasən qanunvericiliklə nəzərdə tutulmuş müvafiq tədbirlərin həyata keçirilməsi üçün yüklərin saxlandığı anbarlara Agentliyin əməkdaşları tərəfindən təkrar baxış zamanı yuxarıda qeyd edilən şəxslərdən iltizamnamənin alınmasına baxmayaraq yük partiyalarının satıldığı faktı aşkar olunmuş və bununla da qanuni yazılı tələblərin yerinə yetirilmədiyi müəyyən edilib.Faktla bağlı qanunvericiliyin tələbləri çərçivəsində müvafiq tədbirlər görülməsinə başlanılıb.Eləcə də oxuyun:İki ölkədən quş ətinin gətirilməsi dayandırılıbƏllidən artıq müəssisədən Rusiyaya alma ixracına icazə verilibElxan Mikayılov: “Xırda təsərrüfatların əsas seqmenti daxili bazar olmalıdır”Kustar üsulla qablaşdırılmış "İsti su" satışdan çıxarıldı

2021

xəbərlər

ru_AZ

xəbərlər, iran, kartof, təhlükəli zərərverici, aqta, azərbaycan