Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Baş infeksionist COVID-19 olduğundan şübhələnib test verməyənlərə müraciət edib

© AFP 2021 / INA FASSBENDERМедицинский работник показывает образец для экспресс-теста, фото из архива
Медицинский работник показывает образец для экспресс-теста, фото из архива - Sputnik Azərbaycan, 1920, 15.09.2021
Həkimin sözlərinə görə, öncəki ştammlarda yoluxma bir o qədər sürətli olmasa da, "Delta" ştammında əksinə, yoluxma daha sürətlidir.
BAKI, 15 sentyabr — Sputnik. COVID-19 xəstəsi olduğunu düşünən, lakin test verməyib sərbəst hərəkət edən şəxslər çox təhlükəlidirlər.
Sputnik Azərbaycan-ın xəbərinə görə, bu barədə Səhiyyə Nazirliyinin baş infeksionisti Təyyar Eyvazov nazirliyin rəsmi "Instagram" səhifəsində canlı yayımda çıxışı zamanı deyib.
T.Eyvazov deyib ki, öncəki ştammlar yayılarkən ailədə yoluxma olardısa, ailə üzvlərinin hər birinini nəticəsi pozitiv olmurdu. Öncəki ştammlarda yoluxma bir o qədər sürətli olmasa da, "Delta" ştammında əksinə, yoluxma daha sürətlidir: "Ailə üzvlərindən test nəticəsi pozitiv çıxan şəxslər var ki, onlar özlərini yaxşı hiss etməsələr də, 14 gün evdə qalmamaq və sərbəst hərəkət etmək üçün test vermirlər. Təəssüflər olsun ki, bu cür şəxsləri aşkarlamaq mümkün deyil".
"Bu, vətəndaş məsuliyyətidir. Vətəndaşlar bu məsələyə məsuliyyətlə yanaşmalıdırlar. Çünki yoluxma bumeranqdır", - deyə o əlavə edib.
Baş infeksionist özünü narahat edən hər kəsi həkimə müraciət etməyə, məsuliyyətli olmağa səsləyib.
T.Eyvazov test nəticələrindən də danışıb və deyib ki, müxtəlif yerlərdə seroloji testlərin cavabları müxtəlif ola bilər. 
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала