Mafiya PUA davasına keçdi

© AP Photo / Gregorio BorgiaТюрьма, фото из архива
Тюрьма, фото из архива - Sputnik Azərbaycan, 1920, 13.09.2021
Üç partlayışın olduğunu bildirən SNAI vurğulayır ki, "vəziyyət ciddidir", söhbət cinayətkar kartellər arasındakı müharibədən gedir.
BAKI, 13 sentyabr - Sputnik. Ekvadorun qərbindəki Quayas əyalətində yerləşən həbsxanaya pilotsuz uçan aparatlarla (PUA) hücum edilib.
Sputnik Azərbaycan RİA Novosti-yə istinadən bildirir ki, bu barədə ölkənin Azadlıqdan məhrum edilmiş şəxslər və qanun pozan həddi-büluğa çatmayanlarla iş üzrə Xidmətin (SNAI) Twitter səhifəsində qeyd olunub.
"Bu səhər Quayas əyalətindəki regional mərkəz dronlardan hücuma məruz qalıb. Üç partlayış olub, mərkəzin tavanı zədələnib. Hücum qanunsuz dəstələrin başçılarına qarşı yönəldilmiş ola bilər", - Xidmətin məlumatında deyilir.
SNAI vurğulayır ki, "vəziyyət ciddidir", söhbət cinayətkar kartellər arasındakı müharibədən gedir. Hadisə zamanı ölən və yaxud xəsarət alanlar barədə isə məlumat verilmir.
Universo nəşrinin məlumatına görə, partlayışlar yaxınlıqdakı yaşayış məntəqələrində eşidilib, sakinlər bildiriblər ki, pəncərələrin şüşələri də partlayış dalğasından titrəyib.
 
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала