https://sputnik.az/20210910/Dakndd-soydamz-haqqnda-kiln-sndli-filmin-tqdimat-keirilib-427895484.html
Daşkənddə soydaşımız haqqında çəkilən sənədli filmin təqdimatı keçirilib
Daşkənddə soydaşımız haqqında çəkilən sənədli filmin təqdimatı keçirilib
Sputnik Azərbaycan
Özbəkistandakı Heydər Əliyev adına Azərbaycan Mədəniyyət Mərkəzi (AMM), "Azərbaycan Televiziya və Radio Verilişləri" QSC-nin dəstəyi ilə hazırlanan filmin bir... 10.09.2021, Sputnik Azərbaycan
2021-09-10T21:34+0400
2021-09-10T21:34+0400
2021-11-17T00:04+0400
xəbərlər
cəmiyyət
mədəniyyət
daşkənd
dünya
azərbaycan
https://cdnn1.img.sputnik.az/img/07e5/05/13/426991205_0:143:3135:1906_1920x0_80_0_0_bd35ae2fce4b15d0f08a94760cc46d32.jpg
BAKI, 10 sentyabr — Sputnik. Daşkəndin mərkəzindəki "Ədiblər xiyabanı"nda "Özbəkkino" Milli Agentliyinin sifarişi ilə Özbəkistanın "First Art Media" şirkətinin özbək ədəbiyyatının klassiki, şair, tərcüməçi, pedaqoq, tanınmış soydaşımız Maqsud Şeyxzadə haqqında çəkdiyi "Maqsud Şeyxzadə: azadlığa can atan şair" adlı sənədli filminin təqdimatı keçirilib.Sputnik Azərbaycan xəbər verir ki, tədbirdə Özbəkistanın elm, mədəniyyət və incəsənət xadimləri, şair və yazıçılar, Azərbaycan diasporunun üzvləri, tələbələr, jurnalistlər iştirak ediblər."First Art Media" şirkəti, Özbəkistandakı Heydər Əliyev adına Azərbaycan Mədəniyyət Mərkəzi (AMM), "Azərbaycan Televiziya və Radio Verilişləri" QSC-nin dəstəyi ilə hazırlanan filmin bir hissəsinin çəkilişləri böyük şairin vətəni Azərbaycanda, doğulduğu Ağdaş rayonunda aparılıb.Təqdimatı Nəqliyyat Universitetinin rektoru Adil Əbdürrəhmanov açaraq Maqsud Şeyxzadənin həyatı və yaradıcılığı haqqında məlumat verib.Akademik, şairin tədqiqatçısı Naim Kərimov M.Şeyxzadənin dünya şöhrətli özbək şairi Əlişir Nəvai irsinin tədqiqatçısı olduğunu qeyd edib. O, ədibin dram əsərlərini Şekspirin "Hamlet", "Otello", "Kral Lir" əsərləri ilə müqayisə edib və onun "Mirzə Uluğbəy", "Cəlaləddin Manguberdi" kimi əsərlərinin nəinki Özbəkistanda və Azərbaycanda, bütün Şərq aləmində şöhrət qazandığını bildirib. Təsadüfi deyil ki, böyük özbək şairi Şükrulla Maqsud Şeyxzadəni "Özbək ədəbiyyatının Şekspiri" adlandırıb.AMM-nin direktoru Samir Abbasov Maqsud Şeyxzadənin öz yaradıcılığı ilə iki xalq arasında dostluq körpüsü yaratdığını, Hüseyn Cavid, Abdulla Şaiq kimi klassiklərimizdən dərs alan Maqsud Şeyxzadənin əsərlərinin özbək ədəbiyyatının inciləri siyahısına daxil edildiyini bildirib. O deyib ki, M.Şeyxzadə özbək xalqının qəhrəmanı Cəlaləddin Manguberdi, hökmdar Mirzə Uluğbəy kimi tarixi şəxsiyyətlərlə bağlı yaratdığı ölməz əsərlərlə özbək dramaturgiyasının əsasını qoyub. "Daşkəndnamə", "Ağsaqqal" poemaları da oxucular tərəfindən rəğbətlə qarşılanıb. Daşkənddə yazıçının altı cildlik "Seçilmiş əsərləri" çap olunub. O, 2021-ci il Azərbaycan Prezidenti İlham Əliyev tərəfindən "Nizami Gəncəvi İli" elan olunduğunu, Özbəkistanda Əlişir Nəvainin 580 illik yubileyinin geniş qeyd edildiyini söyləyərək, bu cür əhəmiyyətli ildə Maqsud Şeyxzadə haqqında filmin təqdim edilməsinin böyük simvolik məna daşıdığını vurğulayıb."Özbəkkino" Milli Agentliyi baş direktorunun birinci müavini Şuxrat Rizayev bildirib ki, 2021-ci ildə Özbəkistan Prezidenti Şavkat Mirziyoyevin Sərəncamı ilə abidələri "Ədiblər Xiyabanı"nda ucaldılan tanınmış klassik şair və yazıçılar haqqında sənədli və bədii filmlərin çəkilməsi, habelə onların əsərlərinin yenidən nəşri həyata keçirilir. Maqsud Şeyxzadə də onlardan biridir. O, Maqsud Şeyxzadənin xidmətlərinin Özbəkistan dövləti tərəfindən yüksək qiymətləndirildiyini və onun dövlət tərəfindən "Böyük xidmətləri üçün" ordeni və digər mükafatlarla təltif olunduğunu qeyd edib.Həmçinin oxuyun:Tanınmış vokalçı müəlliminin xatirəsinə film-konsert hazırlayıb
dünya
Sputnik Azərbaycan
media@sputniknews.com
+74956456601
MIA „Rossiya Segodnya“
2021
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər, daşkənd, dünya, azərbaycan
xəbərlər, daşkənd, dünya, azərbaycan
Daşkənddə soydaşımız haqqında çəkilən sənədli filmin təqdimatı keçirilib
21:34 10.09.2021 (Yenilənib: 00:04 17.11.2021) Özbəkistandakı Heydər Əliyev adına Azərbaycan Mədəniyyət Mərkəzi (AMM), "Azərbaycan Televiziya və Radio Verilişləri" QSC-nin dəstəyi ilə hazırlanan filmin bir hissəsinin çəkilişləri böyük şairin vətəni Azərbaycanda, doğulduğu Ağdaş rayonunda aparılıb.
BAKI, 10 sentyabr — Sputnik. Daşkəndin mərkəzindəki "Ədiblər xiyabanı"nda "Özbəkkino" Milli Agentliyinin sifarişi ilə Özbəkistanın "First Art Media" şirkətinin özbək ədəbiyyatının klassiki, şair, tərcüməçi, pedaqoq, tanınmış soydaşımız Maqsud Şeyxzadə haqqında çəkdiyi "Maqsud Şeyxzadə: azadlığa can atan şair" adlı sənədli filminin təqdimatı keçirilib.
Sputnik Azərbaycan xəbər verir ki, tədbirdə Özbəkistanın elm, mədəniyyət və incəsənət xadimləri, şair və yazıçılar, Azərbaycan diasporunun üzvləri, tələbələr, jurnalistlər iştirak ediblər.
"First Art Media" şirkəti, Özbəkistandakı Heydər Əliyev adına Azərbaycan Mədəniyyət Mərkəzi (AMM), "Azərbaycan Televiziya və Radio Verilişləri" QSC-nin dəstəyi ilə hazırlanan filmin bir hissəsinin çəkilişləri böyük şairin vətəni Azərbaycanda, doğulduğu Ağdaş rayonunda aparılıb.
Təqdimatı Nəqliyyat Universitetinin rektoru Adil Əbdürrəhmanov açaraq Maqsud Şeyxzadənin həyatı və yaradıcılığı haqqında məlumat verib.
Akademik, şairin tədqiqatçısı Naim Kərimov M.Şeyxzadənin dünya şöhrətli özbək şairi Əlişir Nəvai irsinin tədqiqatçısı olduğunu qeyd edib. O, ədibin dram əsərlərini Şekspirin "Hamlet", "Otello", "Kral Lir" əsərləri ilə müqayisə edib və onun "Mirzə Uluğbəy", "Cəlaləddin Manguberdi" kimi əsərlərinin nəinki Özbəkistanda və Azərbaycanda, bütün Şərq aləmində şöhrət qazandığını bildirib. Təsadüfi deyil ki, böyük özbək şairi Şükrulla Maqsud Şeyxzadəni "Özbək ədəbiyyatının Şekspiri" adlandırıb.
AMM-nin direktoru Samir Abbasov Maqsud Şeyxzadənin öz yaradıcılığı ilə iki xalq arasında dostluq körpüsü yaratdığını, Hüseyn Cavid, Abdulla Şaiq kimi klassiklərimizdən dərs alan Maqsud Şeyxzadənin əsərlərinin özbək ədəbiyyatının inciləri siyahısına daxil edildiyini bildirib. O deyib ki, M.Şeyxzadə özbək xalqının qəhrəmanı Cəlaləddin Manguberdi, hökmdar Mirzə Uluğbəy kimi tarixi şəxsiyyətlərlə bağlı yaratdığı ölməz əsərlərlə özbək dramaturgiyasının əsasını qoyub. "Daşkəndnamə", "Ağsaqqal" poemaları da oxucular tərəfindən rəğbətlə qarşılanıb. Daşkənddə yazıçının altı cildlik "Seçilmiş əsərləri" çap olunub. O, 2021-ci il Azərbaycan Prezidenti İlham Əliyev tərəfindən "Nizami Gəncəvi İli" elan olunduğunu, Özbəkistanda Əlişir Nəvainin 580 illik yubileyinin geniş qeyd edildiyini söyləyərək, bu cür əhəmiyyətli ildə Maqsud Şeyxzadə haqqında filmin təqdim edilməsinin böyük simvolik məna daşıdığını vurğulayıb.
"Özbəkkino" Milli Agentliyi baş direktorunun birinci müavini Şuxrat Rizayev bildirib ki, 2021-ci ildə Özbəkistan Prezidenti Şavkat Mirziyoyevin Sərəncamı ilə abidələri "Ədiblər Xiyabanı"nda ucaldılan tanınmış klassik şair və yazıçılar haqqında sənədli və bədii filmlərin çəkilməsi, habelə onların əsərlərinin yenidən nəşri həyata keçirilir. Maqsud Şeyxzadə də onlardan biridir. O, Maqsud Şeyxzadənin xidmətlərinin Özbəkistan dövləti tərəfindən yüksək qiymətləndirildiyini və onun dövlət tərəfindən "Böyük xidmətləri üçün" ordeni və digər mükafatlarla təltif olunduğunu qeyd edib.
