https://sputnik.az/20210910/Azrbaycanl-musiqiinin-yaradcl-Rusiyadak-festivalda-tqdim-olunacaq-427895466.html
Azərbaycanlı musiqiçinin yaradıcılığı Rusiyadakı festivalda təqdim olunacaq
Azərbaycanlı musiqiçinin yaradıcılığı Rusiyadakı festivalda təqdim olunacaq
Sputnik Azərbaycan
Aktual musiqinin bu iki korifeyinin vokal, simfonik və kamera musiqi janrlarında öz parlaq təcəssümünü tapan əsərləri "Şərq-Qərb" tendensiyasının əsas... 10.09.2021, Sputnik Azərbaycan
2021-09-10T23:41+0400
2021-09-10T23:41+0400
2021-11-17T00:04+0400
xəbərlər
rusiya
cəmiyyət
mədəniyyət
festival
azərbaycan
https://cdnn1.img.sputnik.az/img/07e4/08/1a/424772636_0:89:1961:1192_1920x0_80_0_0_aa58ba32a71772bbba0e3cb83ca1139f.jpg
BAKI, 10 sentyabr — Sputnik. Rusiyanın Həştərxan şəhərində "Opera.First" I Beynəlxalq Musiqi Festivalının açılışı olub. Sputnik Azərbaycan xəbər verir ki, festivalın klassik və romantik musiqi nümunələrindən ibarət rəngarəng proqramında, simfonik və kamera konsertlərində musiqisevərlərin geniş rəğbətini qazanmış məşhur ariya və ansambllar, uvertüra və intermediyalar səslənəcək.Geniş populyar əsərlərlə yanaşı festivalın konsertlərində müasir musiqinin iki ən çox tanınmış nümayəndəsi – Arvo Pyarta və Firəngiz Əlizadənin yaradıcılığı təqdim olunacaq. Aktual musiqinin bu iki korifeyinin vokal, simfonik və kamera musiqi janrlarında öz parlaq təcəssümünü tapan əsərləri "Şərq-Qərb" tendensiyasının əsas istiqamətlərini izləməyə imkan yaradır.Festivalın açılış günündə təntənəli şəkildə Həştərxan Filarmoniyasının böyük zalında Rusiyanın tanınmış dirijoru, Rusiya Federasiyasının Xalq artisti M.Qolikovun idarəsi ilə Xəzəryanı Kamera Orkestri konsert proqramını təqdim edib. İlk musiqi nömrəsi kimi səslənən Firəngiz Əlizadənin "Metamorfozlar" əsəri tamaşaçıların böyük rəğbətini qazandı.Festival öz işini davam etdirərək, musiqisevərlərə yeniliklər və sürprizlər bəxş edəcəkdir. Xüsusilə, qeyd etmək lazımdır ki, Firəngiz Əlizadənin musiqisinə teatr tamaşasının nümayişi böyük maraqla gözlənilir.Məlumat üçün bildirək ki, Firəngiz Əlizadə Azərbaycan Bəstəkarlar İttifaqının sədridir. Xalq artisti UNESCO-nun "Sülh artisti" (2007), "Şöhrət" (2007), "Şərəf" (2017) ordenləri laureatı, Bakı Beynəlxalq Multikulturalizm Mərkəzi Himayəçilik Şurasının üzvüdür. Azərbaycan Bəstəkarlar İttifaqının VIII (2007), IX (2012) və X (2019) qurultaylarında sədr vəzifəsinə seçilib.Müasir Azərbaycan musiqi mədəniyyətinin dünya miqyasında ən tanınmış simalarından olan musiqiçinin əsərləri xarici ölkələrdə ən böyük konsert və teatr səhnələrində, beynəlxalq festivallarda dünya şöhrətli ifaçılar tərəfindən səsləndirilir. Onun musiqiləri milyonlarla xarici dinləyici tərəfindən böyük rəğbətlə qarşılanaraq beynəlxalq arenada şöhrət qazanıb.Həmçinin oxuyun:Azərbaycan filmi dünya premyerasına hazırlaşır
Sputnik Azərbaycan
media@sputniknews.com
+74956456601
MIA „Rossiya Segodnya“
2021
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər, festival, azərbaycan
xəbərlər, festival, azərbaycan
Azərbaycanlı musiqiçinin yaradıcılığı Rusiyadakı festivalda təqdim olunacaq
23:41 10.09.2021 (Yenilənib: 00:04 17.11.2021) Aktual musiqinin bu iki korifeyinin vokal, simfonik və kamera musiqi janrlarında öz parlaq təcəssümünü tapan əsərləri "Şərq-Qərb" tendensiyasının əsas istiqamətlərini izləməyə imkan yaradır
BAKI, 10 sentyabr — Sputnik. Rusiyanın Həştərxan şəhərində
"Opera.First" I Beynəlxalq Musiqi Festivalının açılışı olub.
Sputnik Azərbaycan xəbər verir ki, festivalın klassik və romantik musiqi nümunələrindən ibarət rəngarəng proqramında, simfonik və kamera konsertlərində musiqisevərlərin geniş rəğbətini qazanmış məşhur ariya və ansambllar, uvertüra və intermediyalar səslənəcək.
Geniş populyar əsərlərlə yanaşı festivalın konsertlərində müasir musiqinin iki ən çox tanınmış nümayəndəsi – Arvo Pyarta və Firəngiz Əlizadənin yaradıcılığı təqdim olunacaq. Aktual musiqinin bu iki korifeyinin vokal, simfonik və kamera musiqi janrlarında öz parlaq təcəssümünü tapan əsərləri "Şərq-Qərb" tendensiyasının əsas istiqamətlərini izləməyə imkan yaradır.
Festivalın açılış günündə təntənəli şəkildə Həştərxan Filarmoniyasının böyük zalında Rusiyanın tanınmış dirijoru, Rusiya Federasiyasının Xalq artisti M.Qolikovun idarəsi ilə Xəzəryanı Kamera Orkestri konsert proqramını təqdim edib. İlk musiqi nömrəsi kimi səslənən Firəngiz Əlizadənin "Metamorfozlar" əsəri tamaşaçıların böyük rəğbətini qazandı.
Festival öz işini davam etdirərək, musiqisevərlərə yeniliklər və sürprizlər bəxş edəcəkdir. Xüsusilə, qeyd etmək lazımdır ki, Firəngiz Əlizadənin musiqisinə teatr tamaşasının nümayişi böyük maraqla gözlənilir.
Məlumat üçün bildirək ki, Firəngiz Əlizadə Azərbaycan Bəstəkarlar İttifaqının sədridir. Xalq artisti UNESCO-nun "Sülh artisti" (2007), "Şöhrət" (2007), "Şərəf" (2017) ordenləri laureatı, Bakı Beynəlxalq Multikulturalizm Mərkəzi Himayəçilik Şurasının üzvüdür. Azərbaycan Bəstəkarlar İttifaqının VIII (2007), IX (2012) və X (2019) qurultaylarında sədr vəzifəsinə seçilib.
Müasir Azərbaycan musiqi mədəniyyətinin dünya miqyasında ən tanınmış simalarından olan musiqiçinin əsərləri xarici ölkələrdə ən böyük konsert və teatr səhnələrində, beynəlxalq festivallarda dünya şöhrətli ifaçılar tərəfindən səsləndirilir. Onun musiqiləri milyonlarla xarici dinləyici tərəfindən böyük rəğbətlə qarşılanaraq beynəlxalq arenada şöhrət qazanıb.
