Qazanbulaq qəsəbəsi küləyə tab gətirmədi: dam örtüyü uçdu, ağaclar aşdı

© Sputnik / Rahim MammadovGoranboyda küləyin fəsadları
Goranboyda küləyin fəsadları - Sputnik Azərbaycan, 1920, 09.09.2021
Abunə olmaq
Təbiət hadisəsi zamanı qazi İlqar Avazova da ziyan dəyib, həmçinin qəsəbədə elektrik enerjisi kəsilib.
BAKI, 9 sentyabr — Sputnik. Yayın sonu, payızın əvvəli qərb bölgəsində havalar qeyri-sabit keçir. Bölgədə yağmurlu, küləkli hava ilə yanaşı tempuratur da aşağı düşüb. Son iki gündə isə bölgədə güclü külək müşahidə edilməkdədir.
Əsən güclü külək Goranboyda fəsadsız ötüşməyib. Sputnik Azərbaycan xəbər verir ki, rayonun Qazanbulaq qəsəbəsində bir neçə qovaq ağacı aşıb. Həmçinin qəsəbə sakini, qazi İlqar Avazova məxsus köməkçi tikilinin dam örtüyünü külək yerə atıb. İ. Avazov güclü külək nəticəsində elektrik enerjisinin verilməsində fasilələr yarandığını bildirib:
© Sputnik / Rahim MammadovQazi İlqar Avazov
Goranboyda küləyin fəsadları - Sputnik Azərbaycan, 1920, 01.10.2021
Qazi İlqar Avazov
"Külək günortadan sonra daha da gücləndi, nəticədə həyətimizdə olan köməkçi tikilinin dam örtüyünü yerə atdı. Xoşbəxtlikdən təbiət hadisəsi zamanı həmin ərazidə, yaxınlıqda kimsə olmayıb. Xəsarət alan yoxdur, çox şükür. Baş verən hadisə ilə bağlı adiyyatı qurumlara məlumat vermişik. Külək qəsəbədə bir neçə iri ağacı da aşırıb. Elektrik naqilləri sıradan çıxıb, işıqlar kəsilib."
Qeyd edək ki, küləkli hava rayonun bir neçə yaşayış məntəqəsində elektrik enerjisinin verilişində fasilələrə səbəb olub.
Xəbər lenti
0