Сьемка, фото из архива - Sputnik Azərbaycan, 1920
VİDEO
Ölkənin və dünyanın müxtəlif yerlərindən maraqlı və aktual görüntülər

Heç vaxt gec deyil: yüz yaşlı nənə ağırlıqqaldırma yarışında

Amerikalı yüz yaşlı qadın 68 kiloqrama kimi ağırlıq qaldırır. Edit Mürvey-Treynin bu yaşda belə güclü qalmasının səbəbi – videoda.
Edit xanım qadınlar arasında ən yaşlı ştanq qaldıran kimi dünya rekorduna imza ataraq Ginnessin “Rekordlar” kitabına düşüb.
İdmançı nənə öz üzərində səylə çalışır və bunun nəticəsində yarışlarda bir xeyli mükafat qazanıb. Ancaq o, koronavirus pandemiyası ucbatından idman fəaliyyətinə fasilə verməli olub.
Edit sonuncu dəfə 2019-cu ildə, 98 yaşında yarışda çıxış edib və indi yeni müsabiqələrə hazırlaşır.
O əvvəllər rəqs müəllimi işləyib. Təqaüdə çıxandan sonra rəfiqəsi ona idman zalına yazılmağı məsləhət görüb. Həmin vaxt Editin nə az, nə çox, düz 91 yaşı olub və qadın ağırlıq qaldırma ilə maraqlanmağa başlayıb.
Və bunun sayəsində 2019-cu ilin payızında idmançı nənə nəinki evinə girmiş oğrunu dəf edib, hətta onu ağır zədələyib.
İdmançı nənə belə hesab edir ki, uzunömürlü olmasının və sağlam yaşamasının sirri aktiv həyat tərzi keçirməsindədir.
 
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала