Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

İmmunoloq virusla mübarizə üçün ideal olan temperaturu açıqlayıb

© © Handout / National Institute of Allergy and Infectious Diseases / AFPЧастицы вируса SARS-COV-2 (розовые)
Частицы вируса SARS-COV-2 (розовые) - Sputnik Azərbaycan, 1920, 02.09.2021
Həkim allerqoloq-immunoloq Vladimir Bolibok deyib ki, 37 ilə 38.5 arasında olan temperatur virusa qalib gəlməyə kömək edir.
BAKI, 1 sentyabr — Sputnik. Həkim allerqoloq-immunoloq Vladimir Bolibok Sputnik radiosuna verdiyi müsahibədə virusla mübarizə üçün ideal olan temperaturu açıqlayıb. Bu barədə Sputnik Azərbaycan Rusiya mediasına istinadən xəbər verir.
Onun sözlərinə görə, temperaturun artması orqanizmin infeksiyanın nüfuz etməsinə qarşı müdafiə reaksiyasının bir hissəsidir. O qeyd edib ki, immunitet sisteminin işləməsi sitokinlər - immun sisteminin hüceyrələrinin aktivləşdiyi anda ayrılan molekullar ilə müəyyən edilir.
"İmmun sistemi viruslara və ya bakteriyalara qarşı reaksiya verir, sitokinlər temperatur tənzimləmə mərkəzinin yerləşdiyi mərkəzi sinir sisteminə daxil olur və infeksiyaya qarşı mübarizə aparıldığı halda orqanizm hərarəti qaldırmaq üçün bir siqnal alır", - deyə Bolibok izah edib.
İmmunoloq qeyd edib ki, bakteriyaların ferment sistemləri və virusların genetik aparatı müəyyən temperaturda işləyir. Temperatur yüksəldikdə bu mikroorqanizmlərin çoxalması çətinləşir. Əgər insanda KRVİ ilə hərarət yüksəlmirsə, deməli onun immun sistemi əslində infeksiyaya reaksiya vermir.
Üstəlik bu sistemin həddindən artıq reaksiyası da təhlükəli ola bilər. "Sitokinlər çox olduqda hiperpiretik reaksiya yaranır və bu halda temperatur 39-40 dərəcəyə kimi artır", - deyə həkim bildirib. O qeyd edib ki, hərarətin bu dərəcədə yüksəlməsi daxili orqanların fəaliyyətinə də pis təsir edir.
Bolibokun sözlərinə görə, 37 ilə 38.5 arası olan ideal temperaturda orqanizm virusla effektiv mübarizə aparır.
Bu yaxınlarda həkim-terapevt Viktor Lişin məlumat verib ki, xroniki xəstəlikləri olan insanlarda yüksək bədən hərarəti koronavirusa qarşı peyvənd edildikdən sonra uzun müddət davam edə bilər. Onun sözlərinə görə, artroz, artrit, psoriaz və ya hipertoniya kimi xəstəlikləri olan insanlar, COVID-19 əleyhinə peyvənd edildikdən sonra müəyyən narahatlıq yaşaya bilərlər.
Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала