https://sputnik.az/20210820/A-Azrbaycanla-Ermnistan-arasnda-srhdin-delimitasiyasnda-kmk-etmy-hazrdr-427730692.html
Aİ Azərbaycanla Ermənistan arasında sərhədin delimitasiyasında kömək etməyə hazırdır
Aİ Azərbaycanla Ermənistan arasında sərhədin delimitasiyasında kömək etməyə hazırdır
Sputnik Azərbaycan
İki ölkənin sərhədində yaranan eskalasiyadan narahat olan Avropa İttifaqı tərəfləri təmkinli olmağa dəvət edib. 20.08.2021, Sputnik Azərbaycan
2021-08-20T23:20+0400
2021-08-20T23:20+0400
2021-11-17T00:02+0400
xəbərlər
siyasət
cəmiyyət
avropa ittifaqı
ermənistan
sərhəd
azərbaycan
https://cdnn1.img.sputnik.az/img/07e4/0a/1b/425307322_0:0:1500:848_1920x0_80_0_0_69443ef896b5619ef72895dfd10565fa.jpg
BAKI, 20 avqust - Sputnik. Avropa İttifaqı Azərbaycanla Ermənistan arasında sərhədin delimitasiyasında kömək etməyə hazırdır. Sputnik Azərbaycan-ın məlumatına görə, bu barədə Aİ-nin Bakı nümayəndəliyindən bildirilib. "Aİ tərəfləri atəşkəslə bağlı razılaşmaya ciddi əməl etməyə və sonrakı insan tələfatlarının qarşısını almağa çağırır. Aİ qəti olaraq mübahisəli məsələlərin güc yolu ilə həllinə qarşıdır. Təşkilat Ermənistanla Azərbaycan arasındakı beynəlxalq sərhəddə təcili deeskalasiyaya, təmkinli olmağa və delimitasiya və demarkasiya işlərinə başlamağa çağırır. Aİ sərhədlərin delimitasiyasına yardım etməyə hazırdır", - Aİ nümayəndəliyindən cümə günü bildirilib.2021-ci ilin iyulunda regiona səfər edən Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar Azərbaycanla Ermənistan arasında gərginlikdən narahatlığını ifadə etmişdi."Azərbaycan-erməni sərhədində dərin təlaş yaradan hadisələr davam edir. Biz təmkinli olmağa, gücləri aralaşdırmağa və sərhəd məsələlərində qurbanlar olmadan konstruktiv qarşılıqlı fəaliyyətə səsləyirik", - Klaar deyib.Bundan bir qədər əvvəl Azərbaycan Prezidenti İlham Əliyev Kəlbəcər və Laçın rayonları istiqamətində dövlət sərhədinin möhkəmləndirilməsi barədə məlumat vermişdi. "Bu sərhəd 30 ilə yaxın müddət ərzində ermənilərin əlində idi və biz may ayında qarlar əriyəndən sonra bu sərhədlərə çıxmışıq, öz mövqelərimizi tutmuşuq, Zəngəzurda yerləşmişik və orada möhkəmlənirik. Bu, bizim torpağımızdır. Ermənistan tərəfindən səslənən fikirlər tamamilə əsassızdır. Biz öz torpağımızdayıq, Qaragöl də bizimdir, başqa yerlər də bizimdir. Biz gəlmişik. 30 il bu ərazi ermənilərin əlində idi. Əgər o sərhəd onların dediyi yerdən keçirdisə, durardılar o sərhəddə. Durardılar, deyərdilər ki, sərhəd budur. Nə oldu bəs? Biz gələndən sonra, durandan sonra dedilər ki, yox, biz düz yerdə durmamışıq. Biz düz yerdə durmuşuq, harada lazımdır, orada durmuşuq və əgər istəsək, harada lazım bilsək, orada da duracağıq. Onu heç kim unutmasın", - Azərbaycan lideri deyib.Prezident vurğulayıb ki, indi Müdafiə Nazirliyinin və Sərhəd Qoşunlarının xətti ilə bütün sərhəd boyunca - Murovdağdan ta Araz çayına qədər bütün sərhəd infrastrukturu, hərbi hissələr yaradılır, biz bu sərhədlərdə möhkəmlənirik.Eləcə də oxuyun:Naxçıvanın strateji yüksəkliklərində müdafiə istehkamları möhkəmləndirilibİlham Əliyev: "Qaragöl də bizimdir, başqa yerlər də bizimdir"Ermənistan üç istiqamətdə mövqelərimizi atəşə tutubPrezident: Ermənistanın məqsədi torpaqlarımızı əbədi işğal altında saxlamaq idi
Sputnik Azərbaycan
media@sputniknews.com
+74956456601
MIA „Rossiya Segodnya“
2021
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər, avropa ittifaqı, ermənistan, sərhəd, azərbaycan
xəbərlər, avropa ittifaqı, ermənistan, sərhəd, azərbaycan
Aİ Azərbaycanla Ermənistan arasında sərhədin delimitasiyasında kömək etməyə hazırdır
23:20 20.08.2021 (Yenilənib: 00:02 17.11.2021) İki ölkənin sərhədində yaranan eskalasiyadan narahat olan Avropa İttifaqı tərəfləri təmkinli olmağa dəvət edib.
BAKI, 20 avqust - Sputnik. Avropa İttifaqı Azərbaycanla Ermənistan arasında sərhədin delimitasiyasında kömək etməyə hazırdır.
Sputnik Azərbaycan-ın məlumatına görə, bu barədə Aİ-nin Bakı nümayəndəliyindən bildirilib.
"Aİ tərəfləri atəşkəslə bağlı razılaşmaya ciddi əməl etməyə və sonrakı insan tələfatlarının qarşısını almağa çağırır. Aİ qəti olaraq mübahisəli məsələlərin güc yolu ilə həllinə qarşıdır. Təşkilat Ermənistanla Azərbaycan arasındakı beynəlxalq sərhəddə təcili deeskalasiyaya, təmkinli olmağa və delimitasiya və demarkasiya işlərinə başlamağa çağırır. Aİ sərhədlərin delimitasiyasına yardım etməyə hazırdır", - Aİ nümayəndəliyindən cümə günü bildirilib.
2021-ci ilin iyulunda regiona səfər edən Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar Azərbaycanla Ermənistan arasında gərginlikdən narahatlığını ifadə etmişdi.
"Azərbaycan-erməni sərhədində dərin təlaş yaradan hadisələr davam edir. Biz təmkinli olmağa, gücləri aralaşdırmağa və sərhəd məsələlərində qurbanlar olmadan konstruktiv qarşılıqlı fəaliyyətə səsləyirik", - Klaar deyib.
Bundan bir qədər əvvəl Azərbaycan Prezidenti İlham Əliyev Kəlbəcər və Laçın rayonları istiqamətində dövlət sərhədinin möhkəmləndirilməsi barədə məlumat vermişdi.
"Bu sərhəd 30 ilə yaxın müddət ərzində ermənilərin əlində idi və biz may ayında qarlar əriyəndən sonra bu sərhədlərə çıxmışıq, öz mövqelərimizi tutmuşuq, Zəngəzurda yerləşmişik və orada möhkəmlənirik. Bu, bizim torpağımızdır. Ermənistan tərəfindən səslənən fikirlər tamamilə əsassızdır. Biz öz torpağımızdayıq, Qaragöl də bizimdir, başqa yerlər də bizimdir. Biz gəlmişik. 30 il bu ərazi ermənilərin əlində idi. Əgər o sərhəd onların dediyi yerdən keçirdisə, durardılar o sərhəddə. Durardılar, deyərdilər ki, sərhəd budur. Nə oldu bəs? Biz gələndən sonra, durandan sonra dedilər ki, yox, biz düz yerdə durmamışıq. Biz düz yerdə durmuşuq, harada lazımdır, orada durmuşuq və əgər istəsək, harada lazım bilsək, orada da duracağıq. Onu heç kim unutmasın", - Azərbaycan lideri deyib.
Prezident vurğulayıb ki, indi Müdafiə Nazirliyinin və Sərhəd Qoşunlarının xətti ilə bütün sərhəd boyunca - Murovdağdan ta Araz çayına qədər bütün sərhəd infrastrukturu, hərbi hissələr yaradılır, biz bu sərhədlərdə möhkəmlənirik.
Ermənistan üç istiqamətdə mövqelərimizi atəşə tutub
