CƏMİYYƏT
Cəmiyyətin həyatında baş verən aktual hadisələr

Niyaz Niftiyev məhkəmə zalından azadlığa buraxılıb

© Photo : REPORTNiyaz Niftiyev
Niyaz Niftiyev  - Sputnik Azərbaycan, 1920, 17.08.2021
Abunə olmaq
Məhkəmədə hökm oxunub. Hökmə əsasən, Niyaz Niftiyev 8 ay 1 gün azadlıqdan məhrum edilib. Həmin cəza şərti hesab edilib və barəsində iki il sınaq müddəti seçilib
 
BAKI, 17 avqust — Sputnik. Bakı Ağır Cinayətlər Məhkəməsində Binəqədi Bələdiyyəsinin sədri Niyaz Niftiyevin, onun müavini olmuş Mətanət Nəsibova və Bələdiyyə vergiləri və yerli gəlirlər şöbəsinin müdiri Sahib Abışovun cinayət işi üzrə məhkəmə iclası davam etdirilib.
Sputnik Azərbaycan xəbər verir ki, hakim Əli Məmmədovun sədrliyi ilə keçirilən prosesdə prokuror çıxış edərək Niyaz Niftiyev və Sahib Abışov barəsində 2 il 6 ay müddətinə sınaq müddəti seçilməklə şərti cəza verilməsini, Mətanət Nəsibovanın isə 2 il müddətinə sınaq müddəti seçilməklə şərti cəza verilməsini istəyib. Prokuror həmçinin Niyaz Niftiyevin məhkəmə zalından həbsdən azad edilməsini xahiş edib.
Məhkəmədə hökm oxunub. Hökmə əsasən, Niyaz Niftiyev 8 ay 1 gün azadlıqdan məhrum edilib. Həmin cəza şərti hesab edilib və barəsində iki il sınaq müddəti seçilib.
Digər təqsirləndirilən şəxslərə də şərti cəza verilib. Həbsdə olan N.Niftiyev məhkəmə zalından azadlığa buraxılıb.
Qeyd edək ki, Binəqədi rayon Prokurorluğundan verilən məlumata görə, Binəqədi qəsəbə bələdiyyəsinin Bələdiyyə vergiləri və yerli gəlirlər şöbəsinin müdiri Abışov Sahib Abdulla oğlunun qanusuz hərəkətləri ilə əlaqədar Cinayət Məcəlləsinin müvafiq maddələri ilə başlanmış cinayət işi üzrə Korrupsiyaya qarşı Mübarizə Baş İdarəsində aparılan istintaq zamanı Sahib Abışovun ayrı-ayrı vaxtlarda həmin bələdiyyənin sədri və sədr müavini vəzifələrində işləmiş Niftiyev Niyaz Məmmədəli oğlu və Nəsibova Mətanət Hüseyn qızı ilə qabaqcadan əlbir olub ümumilikdə 51 nəfər şəxsdən müxtəlif məbləğlərdə rüşvət alınması müqabilində onların ölkə ərazisində tətbiq edilmiş karantin dövründə qanunsuz olaraq sərbəst hərəkət etmələri üçün saxta arayışların verilməsinə əsaslı şübhələr müəyyən edilib.
Xatırladaq ki, N.Niftiyev uzun müddət jurnalist fəaliyyəti ilə məşğul olub. O, Mətbuat Şurası İdarə Heyətinin üzvüdür. Azadinform.az saytının rəhbəri idi.
Həmçinin oxuyun:
Dövlət sərhədini pozaraq qaçmağa cəhd edən şəxs saxlanılıb
Xəbər lenti
0