Eldəniz Səlimov apellyasiya şikayətini geri götürüb

© Photo : REPORTЭльданиз Салимов, фото из архива
Эльданиз Салимов, фото из архива - Sputnik Azərbaycan, 1920, 10.08.2021
Abunə olmaq
Eldəniz Səlimov barəsində Binəqədi Rayon Məhkəməsinin qərarı ilə seçilən həbs-qətimkan tədbiri qərarından apellyasiya şikayəti versə də, bu gün şikayəti geri götürüb.
BAKI, 10 avqust — Sputnik. Deputat toxunulmazlığı ləğv olunan Eldəniz Səlimov vəkili tərəfindən verilən apellyasiya şikayətini geri götürüb.
Bu barədə APA-ya deputatın vəkili məlumat verib.
Vəkil bildirib ki, Eldəniz Səlimov barəsində Binəqədi Rayon Məhkəməsinin qərarı ilə seçilən həbs-qətimkan tədbiri qərarından apellyasiya şikayəti versə də, müdafiə etdiyi şəxs bu gün şikayəti geri götürdüyünü bildirib.
Eldəniz Səlimovun saxlanılması
Xatırladaq ki, iyulun 29-da Xaçmaz şəhərində yerləşən “Starıy Dvor” restoranında Azərbaycan Respublikası Milli Məclisinin deputatı Eldəniz Səlimovun polis əməkdaşına xidməti vəzifələrinin icrası ilə əlaqədar zor tətbiq etməsi barədə Daxili İşlər Nazirliyindən daxil olan material Baş Prokurorluqda araşdırılıb.
Toplanan material üzrə Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb.
Baş prokuror Kamran Əliyev “Azərbaycan Respublikası Milli Məclisinin deputatı Eldəniz Adil oğlu Səlimovun toxunulmazlığına xitam verilməsi haqqında” parlamentə təqdimat göndərib. Parlamentin avqustun 3-də keçirilən növbədənkənar sessiyasının iclasında təqdimata baxılaraq E.Səlimovun deputat toxunulmazlığına xitam verilib.
Binəqədi Rayon Məhkəməsinin qərarı ilə E.Səlimov barəsində 3 ay həbs qətimkan tədbiri seçilib.
Həmçinin oxuyun: 
Parlamentin İntizam Komissiyası daha iki deputata töhmət verib
Məhkəmə deputat Eldəniz Səlimov barədə qərar verdi
Polisi döyməkdə günahlandırılan deputat açıqlama yaydı
Həbs edilən deputatla bağlı Milli Məclisdən yeni xəbər
Xəbər lenti
0