Azərbaycanda koronavirusa yoluxma halları sürətlə artır. Bəs yoluxma sayının artması yenidən karanatin tədbirlərinin tətbiq edilməsinə səbəb ola bilərmi?
Mövzu ilə bağlı Sputnik Azərbaycan-a danışan professor, həkim Adil Qeybulla bildirib ki, yoluxma sayının artması təbiidir: “Hazırda toylarda, restoranlarda və digər ictimai iaşə obyektlərində geniş təmaslar var. Nəzərə almaq lazımdır, ki “Delta” ştammı 100-dən artıq ölkədə yayılıb. Eyni zamanda Azərbaycanın qonşuluğunda olan ölkələrdə də epidemioloji vəziyyət getdikcə pisləşir. Bu baxımdan yoluxmaların artımı bizdə də gözlənilən idi. İnsanlar virusa qarşı immunitet qazanır, müəyyən qism artıq vaksinasiya olunub. Ancaq unutmamalıyıq ki, bu virusun mutasiyalarının hər biri fərqli davranış sərgiləyir. O baxımdan, arxayınlığa qapılmadan müəyyən preventiv tədbirləri görməliyik”.
Adil Qeybullanın fikirlərinə audiofaylda qulaq asa bilərsiniz
