BAKI, 21 iyul - Sputnik. Ermənistan müdafiə nazirinin müavini Suren Saakyan vəzifəsindən azad edilib.
Sputnik Ermənistan-ın xəbərinə görə, bununla bağlı Baş nazir vəzifəsini icra edən Nikol Paşinyan fərman imzalayıb.
İyulun 20-də Ermənistan Müdafiə nazirliyində baş verənlər
18:33
Ermənistanın baş naziri Nikol Paşinyanın qərarı ilə Baş Qərargah rəisinin müavini Arşak Karapetyan Müdafiə Nazirinin birinci müavini təyin edilib.
Bundan bir qədər əvvəl isə prezidentin fərmanı ilə Arşak Karapetyan Baş Qərargah rəisinin müavini postundan azad edilib. O, indi faktiki olaraq iyulun 20-də istefaya gedən Vaqarşak Arutyunyanın əvəzinə Müdafiə naziri vəzifəsini icra edəcək.
Karapetyan bu ilin aprelində Baş Qərargah rəisinin birinci müavini postuna təyin edilib. Buna qədər isə o, Baş nazirin müşaviri olub.
Mövcud hakimiyyət onu 2016-cı ilin aprel döyüşləri zamanı baş verən rüsvayçılıqdan sonra "himayə" edib. General o vaxt Baş Qərargahın kəşfiyyat idarəsinin rəisi vəzifəsini tuturdu və bu döyüşlərdən sonra vəzifəsindən uzaqlaşdırılmışdı.
2018-ci ilin dekabrında Baş nazir Nikol Paşinyan onu özünə müşavir təyin etməyə qərar verib.
16:44
Ermənistanın müdafiə naziri Vaqarşak Arutyunyan tutduğu postdan istefa verib. Sputnik Ermənistan yazır ki, bu barədə məlumatı Müdafiə Nazirliyi təsdiqləyib.
Arutyunyan artıq nazirlikdə vida görüşünü də keçirib.
Qeyd edək ki, son zamanlar Ermənistan KİV-ləri tez-tez Arutyunyanın istefaya gedəcəyini yazırdı.
Vaqarşak Arutyunyan 1999-2000-ci illərdə də nazir postunu tutub. Sonra siyasi fəaliyyətlə məşğul olmağa başlayıb. 2002-ci ildə o zamanki prezident Robert Köçəryan tərəfindən vəzifədən qovulub və general-leytenant rütbəsindən məhrum edilib.
2019-cu ildə Ermənistan prezidenti Armen Sarkisyanın fərmanı ilə yenidən rütbəsi bərpa olunub. 2020-ci ilin avqustunda Baş nazir Nikol Paşinyanın baş müşaviri və həmin ilin noyabr ayının sonunda isə müdafiə naziri təyin edilib.
