Bu ilin birinci yarısında Azərbaycanda magistral qaz kəmərləri ilə 17 072,4 mln. kubmetr qaz nəql edilib ki, bu da illik müqayisədə 9,5% çoxdur.
Sputnik Azərbaycan qaz ixracındakı kəskin artımın səbəblərini araşdırıb. Mövzu ilə bağlı fikirlərini bölüşən iqtisadçı ekspert Eldəniz Əmirov bildirib ki, bu kəskin artımın əsas səbəblərindən biri post-pandemiya dövründə dünya iqtisadiyyatında aktivliyin yüksəlməsidir: “Dünyanın aparıcı ölkələrində, xüsusən də Avropada iqtisadiyyatın müxtəlif sahələrində genişlənmənin baş verməsi təbii olaraq enerji resurslarına tələbatı artırıb. Enerji resursları içərisində təbii qaza olan tələbat daha yüksəkdir. Bu gün elektrik enerjisi istehsal edən istilik elektrik stansiyalarında daha çox qazdan istifadə edilir. Bu da öz növbəsində statistik göstəricilərdə qaza tələbatın artmasına təkan verib. Digər bir maraqlı məqam isə odur ki, son 4-5 ildə müşahidə olunur ki, aprel ayında həm qiymət artımı, həm də ixrac edilmiş qazın həcmində artım daha dinamik baş verir”.
Eldəniz Əmirovun geniş şərhinə audiofaylda qulaq asa bilərsiniz
