CƏMİYYƏT
Cəmiyyətin həyatında baş verən aktual hadisələr

Uşaqların gözü önündə ikiqat qətl

© Sputnik / Rahim MuradovMühafizə polisi və təcili yardım avtomobili
Mühafizə polisi və təcili yardım avtomobili - Sputnik Azərbaycan, 1920, 03.07.2021
Abunə olmaq
İki uşaq anası olan Ülviyyə Cavadova boynundan və çənəsinin altından aldığı güllə yarası səbəbindən hadisə yerində dünyasını dəyişib. Hadisəni törədən Elnur Cavadov həmin silahla özünü vuraraq intihar edib.

BAKI, 3 iyul - Sputnik. Göyçay rayonunda dəhşətli qətl hadisəsi baş verib.

Sputnik Azərbaycan bildirir ki, hadisə Göyçayın Mallı-Şıxlı kəndində qeydə alınıb. Kənd sakini, 46 yaşlı Elnur Cavadov yaşadığı evdə 35 yaşlı arvadı Ülviyyə Cavadovanı güllələyərək öldürüb.

İlkin məlumatlara görə, hadisəni törədən Elnur Cavadov ov silahı ilə daha sonra özünə atəş açıb və ölüb. Bildirilir ki, hadisə onların övladlarının gözü önündə baş verib.

Qeyd edək ki, Elnur Cavadov və həyat yoldaşı Ülviyyə Cavadova ailə qurmazdan öncə qonşu olublar. Bir neçə il əvvəl evlənən cütlüyün iki azyaşlı oğul övladlari var. Kənd sakinlərinin sözlərinə görə, ər-arvad arasında ara-sıra aliə münaqişəsi yaşansa da, belə dəhşətli hadisə hər kəsi şoka salıb.

Hadisənin hansı səbəbdən baş verməsi hələlik bəlli deyil. Faktla bağlı Göyçay rayon Prokurorluğu tərəfindən araşdırma aparılır.

Eləcə də oxuyun:

Xəbər lenti
0