Tədqiqatçı və rəssam Əbulfəzi Sadeqinin sözlərinə görə, rəsm kömür və su qarışığı ilə çəkilib. Futbol əfsanəsinin portretinin yaradılması zamanı sahə GPS-lə nişanlanıb.
Nəhəng portretin həkk olunacağı sahə beş hissəyə bölünüb.
"Həmin hissələrdən birində futbolçunun saçı və saqqalı, ikincisində gözləri və ağzı, üçüncüsündə sol qulağı, dördüncüsündə isə bədəninin “Eternal 10” döyməsi olan qismi təsvir edilib. Futbolçunun sağ qulağı, saçının və saqqalının qalan hissəsi isə beşinci hissədə yer alıb", - deyə rəsmin müəllifi məlumat verib.
Sadeqi portretin fotolarını sosial media səhifəsində yerləşdirdikdən sonra bu paylaşım diqqəti cəlb edib. Messinin rəsmi hesabında da həmin fotolar yer alıb.
