“Beynəlxalq hüquqda böhran dövrünü yaşayırıq, bir çox tərəfdaşlar uzun illər ərzində hazırlanmış normalara qarşı qeyri-ciddi davranışlar sərgiləyir”. Bunu Sputnik Azərbaycan Multimedia Mətbuat Mərkəzində keçirilən tədbirdə Azərbaycan Respublikasının Prezidenti yanında Dövlət İdarəçilik Akademiyasının beynəlxalq əlaqələr və xarici siyasət şöbəsinin müdiri Namiq Əliyev deyib.
Xəzərin hüquqi statusu haqqında danışan Namiq Əliyev bildirib ki, konvensiyanın qəbulu göstərir ki, universal beynəlxalq hüququn tətbiq olunmadığı şəraitdə ölkələr yerli beynəlxalq normaları qəbul etmək məcburiyyətində qalırlar: “Xəzərin problemləri bir neçə aspektdə nəzərdən keçirilməlidir. İlk növbədə Xəzərdə təhlükəsizlik barədə danışmaq lazımdır. Xəzər ətrafı ölkələr arasında anlaşma şəraiti və etimad əlaqəsi qurulub, lakin təhlükəsizlik haqqında danışanda, bölgə ölkələri bunun siyasi, iqtisadi və ekoloji təhlükəsizliyini də nəzərə almalıdır”.
Namiq Əliyevin fikirlərinə audiofaylda qulaq asa bilərsiniz
