Siyasi təşkilatın yubiley tarixi yaxınlaşdıqca, dünyanın müxtəlif yerlərindən siyasi təşkilatlar, tanınmış siyasətçilər və geniş ictimaiyyət nümayəndələri Çinə təbriklər göndərirlər.
Müxtəlif ölkələrin liderləri və siyasi partiyaları ÇKP Mərkəzi Komitəsinin Baş katibi Si Tszinpinə və Mərkəzi Komitə üzvlərinə ünvanladıqları mesajlarda partiyanın ötən əsrdə qazandığı uğurları, dünyada sülh və inkişafa verdiyi mühüm töhfələri təqdir edirlər.
2021-ci ilin əvvəlində Çin Kommunist Partiyası yüz illik yubileyini çox təmtəraqlı bir şəkildə qeyd etməyi planlaşdırdığını bəyan etmişdi. Bu tədbirlər planına isə ibtidai məktəblərdə inşa müsabiqələrinin keçirilməsindən tutmuş vətənpərvər filmlərin çəkilməsinə, nitqlərin, bannerlərin hazırlanmasına, ÇKP-nin yubileyinə dair çoxsaylı xəbər başlıqlarının verilməsinə qədər hər şey daxildir.
Çinin Xarici İşlər Naziri Van Yinin sözlərinə görə, bu hadisə Çinin inkişafına və dirçəlməsinə yeni təkan verəcək.
